Azərbaycan, Bakı, 17 mart/ " , müxbir Ü.İsmayılova/ Azərbaycanın aqrar sektoru ölkənin ərzaq təhlükəsizliyini təmin etməlidir. Bu barədə bazar ertəsi, iqtisadi məsələlər üzrə parlament komissiyasının sədri Ziyad Səmədzadə məlumat verib.
"Bu məqsədlə Azərbaycanda regionların sosial-iqtisadi inkişafı üzrə dövlət proqramının birinci mərhələsi başa çatıb və ikinci mərhələ hazırlanır" - Səmədzadə bildirib.
Ölkə regionlarının sosial-iqtisadi inkişafı üzrə birinci dövlət proqramı 2004-cü il fevralın 11-də qəbul edilib və bu il başa çatmalıdır. Proqramın prioritet məsələlərindən biri aqrar sektorun inkişafıdır.
Səmədzadənin sözlərinə görə, aqrar sektorun inkişafı məqsədilə enerji daşıyıcılarının qiymətinin artması nəzərə alınmaqla proqram çərçivəsində fermerlərə yancaqdan istifadə üçün güzəştlər təqdim edilib, sahibkarlar üçün kreditlər verilib, kənd təsərrüfatı torpaq vergisi istisna olmaqla, bütün digər vergilərdən azad edilib.
Səmədzadənin sözlərinə görə, regionlarda toxumçuluğun inkişafı, suvarma sisteminin təkmilləşdirilməsi, lizinq xidmətlərinin keyfiyyətinin yaxşılaşdırılması üzrə işlər aparılır.
"Biz elə etməliyik ki, istehlak olunan kənd təsərrüfatı mallarının böyük hissəsi Azərbaycanda istehsal olunsun" - Səmədzadə bildirib.
Məqalə müəllifinin ünvanı: [email protected]