Azərbaycan, Bakı, 18 mart/ Trend , müxbir İ.Xəlilova/ İqtisadi İnkişaf Nazirliyinin (İİN) Azərbaycanda müddətsiz lisenziyalaşdırmanın tətbiq edilməsi haqqında təklifi hökumət tərəfindən dəstəklənməyib. Lakin fəaliyyətin ayrı-ayrı növləri üzrə bu fikir əvvəlki kimi aktualdır. [Martda qüvvəyə minən "Sığorta haqqında" Qanuna müvafiq olaraq, sığorta fəaliyyətinə münasibətdə müddətsiz lisenziyalaşdırma tətbiq edilib.]
"Biz, həmçinin, ümumi beynəlxalq təcrübəni nəzərdən keçirdik və gördük ki, müddətsiz lisenziyalaşdırma o qədər də istifadə edilmir", - İİN-in Sahibkarlığa Yardım Şöbəsinin rəisi Samir Nuriyev bildirib.
Bu gün Azərbaycanda bir, iki, üç və beş il müddətli icazə tətbiq edilir. Nuriyevin rəyinə görə, beş illik lisenziyalar yaxşı təcrübə sayılır.
Hazırda İqtisadi İnkişaf Nazirliyi icazə sisteminin təkmilləşdirilməsi üzrə iş aparır və bu, 2008-2013-cü illərdə sahibkarlığın inkişafı Dövlət Proqramı çərçivəsində tədbirlər planına daxil edilib. [Dövlət proqramının layihəsi ölkə prezidenti Aparatının təsdiqinə verilib]. Nuriyevin sözlərinə görə, ilkin olaraq icazə sisteminin qiymətləndirilməsini həyata keçirmək planlaşdırılır.
Bundan əlavə, hökumət tikinti şirkətlərinin qeydiyyat sistemini sadələşdirməyə hazırlaşır və bu məsələ Nazirlər Kabinetinin müzakirəsindədir.
Liseziyalaşdırma və icazə sisteminin təkmilləşdirilməsi, Azərabaycanda biznesin qeydiyyatı prosedurunun sadələşdirilməsinə investorların hüquqlarının müdafiəsi və kapital bazarının inkişafına texniki yardım layihəsi çərçivəsində, Beynəlxalq Maliyyə Korporasiyası (BMK) yardım göstərir. Layihə beş ilə nəzərdə tutulub.
Hazırda İqtisadi İnkişaf Nazirliyi təcili icazələrin verilməsi mümkün olan sahələrin ayrılması üzrə iş aparır.
Azərbaycan prezidenti İlham Əliyevin "Xüsusi icazə (lisenziya) tələb edən kommersiya fəaliyyəti növləri haqqında" 2006-cı il 29 dekabr tarixli fərmanı ilə rüsumun ölçüsü və lisenziya verən təşkilatın siyahısı dəqiqləşdirlib. Siyahıya 50-dən çox kommersiya fəaliyyəti daxil edilib. Əvvəllər siyahı 37 növ, ona qədər isə - 204 növdən ibarət olub. Ötən il siyahıya daha bir fəaliyyət növü - qızıldan olan məmumlatların satışından hazırlanmasınadək olan fəaliyyət növü daxil edilib.
Lisenziya almaq üçün dövlət rüsumunun ölçüsü fəaliyyət növündən asılı olaraq fərqlənsə də, 220 manatdan 25 min manatadək dəyişir.
Məqalə müəllifinin ünvanı: [email protected]