Azərbaycan, Bakı, 03 aprel/ " , müxbir Ü.İsmayılova/ Azərbaycanın iri sığorta şirkəti "Pasa Sigorta" törəmə Life şirkəti açmaq niyyətindədir. Bu, "Sığorta fəaliyyəti haqqında" yeni qanunla nəzərdə tutulub. Bu barədə cümə axşamı şirkətin baş direktoru Nofəl Rzayev məlumat verib.
"Şirkət hazırda həyat sığortası ilə məşğul olur və gələcəkdə bu biznesi inkişaf etdirmək niyyətindədir", - Rzayev bildirib.
Azərbaycanda "Sığorta fəaliyyəti haqqında" yeni qanun martın 15-də qüvvəyə minib. Təsdiq edilmiş qanuna əsasən, sığorta şirkətləri Life və Non-life şirkətlərə ayrılacaqlar (üç il ərzində). Life şirkətlər sığortaçılara iki il minimal müddətlə toplama sığorta təqdim edəcəklər.
Rzayev bildirib ki, hazırda şirkət Azərbaycanda işləyən təqribən 10 xarici şirkətin həyatını sığorta edir.
"İndi şirkət həyat sığortası üçün yeni qanunun müvafiq bəndlərini öyrənir", - Rzayev bildirib.
"Pasa Sigorta" 2006-cı ildən Azərbaycanın sığorta bazarında fəaliyyət göstərir və 29 sığorta növü üzrə xidmət göstərir. 2007-ci ildə şirkət "Moody International Certification Services"dən idarəetmənin keyfiyyət sertifikatını alıb. Şirkətin Nizamnamə kapitalı 4 mln. manat təşkil edir.
Müəlliflə əlaqə saxlamaq üçün elektron ünvan: [email protected]