Azərbaycan, Bakı, 07 aprel/ " müxbir İ.Xəlilova/ Azərbaycanda ipoteka bazarının aşağı həcmi ölkədə sekyuritizasiyanın tətbiqinin vaxtından əvvəl olduğundan xəbər verir. BMK-nın MDB-də mənzil maliyyələşdirməsi sahəsində Texniki Yardım Proqramlarının rəhbəri Yelena Klepikova bildirib. O, ötən həftə, Korporasiyanın vitse-prezidenti Deklan Daffın başçılıq etdiyi BMK nümayəndə heyətinin tərkibində Bakıda olub.
Bu gün Azərbaycanın ipoteka bazarı cəmi $150 mln. təşkil edir və prinsipcə, hətta sekyuritizasiya üzrə bir saziş də səmərəsiz ola bilər. Onun rəyinə görə, bununla əlaqədar olaraq, Azərbaycana bu alətin tətbiqi üçün xeyli vaxt lazımdır.
"Sekyuritizasiya - kifayət qədər bahalı tədbirdir və yalnız bazarın həcmi böyük olduqda sekyuritizasiya səmərəli ola bilər", - Klepikova hesab edir.
Sekyuritizasiya üzrə bir saziş üçün $100 mln. tələb olunur.
O hesab edir ki, Azərbaycanda sekyuritizasiya məsələləri,ilk növbədə, banklar tərəfindən ipoteka portfellərinin formalaşdırılma imkanlarından, digər tərəfdən isə, uzunmüddətli investorların axtarışından asılı olacaq. Klepikovanın rəyinə görə, Azərbaycanda uzunmüddətli investorlar hələ azdır və adətən, onlar sığorta şirkətləri, pensiya fondlarıdır. Azərbaycanda bu şirkətlərin kapitallaşması çox aşağıdır. BMK-nın nümayəndəsi hesab edir ki, buna görə də, onların ehtiyatlarının ipoteka kreditlərində yerləşdirilməsi məsələsi də sual altındadır.
İnkişaf etmiş bazarlarda böhranlarla əlaqədar investorlar sekyuritizasiyaya ehtiyatla yanaşırlar. Dünya maliyyə bazarlarında ipoteka kreditləşməsi sahəsinə müəyyən investisiyalara tələblərin yenidən qiymətləndirilməsi və sərtləşdirilməsi aparılacaq.
"Bir il vaxt keçməlidir ki, bu qiymətli kağızlara sərmayə yatırmağa başlamaq üçün o bazarda yekun nəticələr əldə edilsin. Bazardakı vəziyyətin dərk edilməsi, belə vəziyyətlərdən qaçmaq üçün bu bazarın nizamlanmasının sərtləşdirilməsi çox vacibdir. Lakin təəssüf ki, bazar həmişə müəyyən böhranlı anlarla müşayiət olunur və ipoteka kreditləşməsi istisna deyil", - Klepnikova bildirib
Müəlliflə əlaqə saxlamaq üçün elektron ünvan: [email protected]
