...

Almaniyalı məsləhətçilər Azərbaycan əhalisinin əmanətlərinin sığortalanması Fondunun inkişafı üzrə tədbirlər planının hazırlanmasına başlayıblar

Biznes və iqtisadiyyat xəbərləri Materials 10 Aprel 2008 17:41 (UTC +04:00)

Azərbaycan, Bakı, 10 aprel/ " müxbir İ.Xəlilova/ Azərbaycan əhalisinin əmanətlərinin sığortalanması Fonduna (ADİF) məsləhət xidmətlərinin göstərilməsi üçün Almaniya İnkişaf Bankı KfW tərəfindən 1 mln. avro qrantın ayrılması haqqında sazişin hazırlanması üçün bankın ekspertləri növbəti həftə Bakıya gələcəklər. Bu barədə ADİF-in icraçı direktoru Azad Cavadov məlumat verib. Sazişin mayadək imzalanacağı gözlənilir.

Lakin, Almaniyanın Global Banking Development Solution təşkilatından olan məsləhətçilər artıq Fondun institutsional inkişafı üzrə üç illik tədbirlər planının hazırlanmasına başlayıblar.

Cavadovun sözlərinə görə, KfW Fondun kapitallaşdırılması üçün 5 mln. avro kredit təqdim etməyə də hazırdır və hazırda müqavilə layihəsi Almaniya hökuməti tərəfindən nəzərdən keçirilir. O, bu vəsaitin 2008-ci ilin sonunadək ayrılacağını istisna etmir.

Alman krediti vəsaitlərinin ödənilməsindən sonra, banklardan alınmış vəsaitlər də nəzərə alınmaqla, Fondun sərəncamında 10 mln. manat olacaq.

ADİF 2007-ci il avqustun 13-də fəaliyyətə başlayıb. Hazırda Azərbaycanda fəaliyyət göstərən 46 bankdan 37-i onun üzvüdür. 2008-ci ilin əvvəlindən o, maksimal sığorta edilən məbləği 6 min manatadək artırıb. 2010-cu il yanvarın 1-dən isə, bu məbləğ 8 min manatadək artırılacaq. Sığorta haqqında Qanuna əsasən, 2008-ci il yanvarın 1-dək 4 manat məbləğinədək vəsaitlər Fond tərəfindən sığorta edilib.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti