Azərbaycan, Bakı, 17 aprel / Trend , müxbir İ.Xəlilova/ Almaniyanın KfW inkişaf bankının maliyyə sektorunda layihələr üzrə menecer Mixael Yaintsiq (Michael Jainzig) Azərbaycanın Mikromaliyyələşdirmə Bankının (AMMB) Müşahidə Şurasının bugünkü iclasında iştirak etmək üçün Bakıya gəlib. Bu barədə cümə axşamı KfW-nın Bakı Ofisinin rəhbəri Natiq Abdullayev məlumat verib.
Yaintsiq AMMB Şurasının sədr öhdəliklərini yerinə yetirir.
KfW-nın AMMB-də səhmdar payı 24,95 faiz təşkil edir. Azərbaycan bankının digər səhmdarları Qara dəniz Ticarət və İnkişaf Bankı və Beynəlxalq Maliyyə Korparasiyasıdır. Onların hər birinin səhm payı 25,55 faiz, AYİB-nın 18,7 faiz, "Access Microfinance Holding"in 9,95 faiz və "LfC" şirkətinin səhm payı isə 5,69 faiz təşkil edir. AMMB-nın nizamnamə kapitalı 11 mln. avro təşkil edir.
Abdullayevin sözlərinə görə, bu planlaşdırılmış səfərdir və səfər çərçivəsində Almaniya bankının maliyyələşdirdiyi layihələr üzrə məsləhətləşmələr aparılıb. İmzalanan maliyyə sazişləri çərçivəsində Azərbaycanda qədim binaların və şəxsi evlərin müasirləşdirilməsi layhəsi üzrə Mənzil Fondunun yaradılması planlaşdırılır. Bu tədbirlərin həyata keçirilməsi üçün 3,5 mln. avro və 500 min avro həcmində kreditlərin ayrılması nəzərdə tutulub. Mənzil Fondunun iş prinsipi Azərbaycanda sahibkarlığa dəstək məqsədi ilə KfW-nın maliyyələşdiriliməsi üzrə 1999-cu ildə yaradılan Almaniya-Azərbaycan Fondunun (AAF) fəaliyyət mexanizminə müvafiq olacaq. Bu vəsaitlər tərəfdaş-banklar vasitəsilə bölüşdürüləcək.
Bununla yanaşı, AAF üçün 5 mln. avro həcmində üçüncü güzəşt kreditini ayıracaq. Cari ilin ikinci rübündə Almaniya bankı həmçinin 5 mln. avro dəyərində kənd yerlərində aqromaliyyələşdirmə layihəsinin reallaşdırılmasına başdamağı planlaşdırır.
KfW-nın dəstəyi ilə kredit-zəmanət fondu yaradılacaq. Bu fonda 4 mln. avro ayrılcaq ki, bu məbləğin 3,75 mln. avrosu fondun yaradılması üçün zəmanət qismində, 0,25 mln. avro isə konsultant xidmətinin ödənilməsi üçün nəzərdə tutulacaq. Fond KfW baş qərargahında hesablama hesabı şəklində fəaliyyət göstərməlidir. Azərbaycan bankları müraciət edəcəyi təqdirdlə, məsləhətçi onları yoxlayacaq və zəmanətə görə KfW qarşısında çıxış edəcək.
Müəlliflə əlaqə saxlamaq üçün elektron ünvan : [email protected]
