Azərbaycan, Bakı, 1 may/ Trend müxbir Ü.İsmayılova/ "Azersun Holdinq" MMC ilin sonunadək İmişli şəkər zavodunun istehsal həcmini hazırki 300 min tondan 450 min tonadək artırmağı planlaşdırır. Bu barədə cümə axşamı holdinqin prezidenti Abdolbari Güzel məlumat verib. Zavod istehsalın artırılması məqsədilə Almaniyadan 10 mln. avro dəyərində avadanlıq alıb.
Şəkər tozu üzrə zavodun layihə gücü sutkada 1000 ton təşkil edir. Bu gün zavod layihə gücünü artırıb və sutkada 1050-1100 ton istehsala çatıb. Zavodun şəkər çuğunduru sxemi üzrə tam gücündə işləməsi zamanı aylıq xammal həcmi 150 min ton təşkil edir.
Zavod 2006-cı ilin yazında istismara verilib.
Güzelin sözlərinə görə, ilin sonunadək 220-250 min ton şəkər çuğundurunun istehsal ediləcəyi gözlənilir.
"İstehsal edilən 50 şəkər çuğundurunun 50 faizi Əfqanıstan, Gürcüstan, Türkmənistan, Özbəkistana ixrac edilir", - Güzel bildirib.
"Azersun Holdinq" MMC 1992-ci ildə yaradılıb. Holdinqin fəaliyyət sahələrinə çayın, bitki yağının emalı və bükülməsi, ticarət və distribüterlik, tikinti, bank işi, sığorta, karton-kağız məmulatlarının, ət və tərəvəz konservlərinin istehsalı, yüklərin daşınması və saxlanılması və s. daxildir.
Müəlliflə əlaqə saxlamaq üçün elektron ünvan: [email protected]
