Azərbaycan, Bakı, 07 may/ Trend , müxbir İ.Xəlilova/ Bu gün Vyanada, iqtisadiyyat, kənd təsərrüfatı, sənaye, texnika və texnologiya sahələrində Azərbaycan-Avstriya hökumətlərarası komissiyanın beşinci birgə iclası öz işinə başlayıb. Bu barədə çərşənbə günü Azərbaycanın İqtisadi İnkişaf Nazirliyindən məlumat veriblər. Azərbaycanın hökumət nümayəndə heyəti bu iclasda iqtisadi inkişaf naziri Heydər Babayevin başçılığı ilə təmsil olunub. O, Azərbaycan tərəfdən komissiyanın həmsədridir.
Azərbaycan tərəfdən komissiyanın həmsədri iqtisadi inkişaf naziri Heydər Babayev, Avstriya tərəfdən isə Yohan Zaksdır.
Protokola əsasən, tərəflər energetika, kənd təsərrüfatı, turizm, sahibkarlıq və ticarət sahələrində əməkdaşlığı dərinləşdirmək niyyətindədirlər. Əməkdaşlıq regional səviyyədə iş adamları arasında, Avstriya tərəfinin bizim proqramlarda iştirakı istiqamətində nəzərdə tutulub. Azərbaycan və Avstriyanın üç şəhəri - Bakı-Vyana, Sumqayıt-Lints və Naxçıvan-Stria şəhərləri arasında qardaşlıq münasibətləri mövcuddur. Qarşıdakı görüşdə Sumqayıt-Lints və Naxçıvan-Stria arasında tərəfdaşlığın genişləndirilməsi məsələsi müzakirə ediləcək.
Komissiyanın bundan əvvəlki iclası 2006-cı ildə Bakıda keçirilib.
2007-ci ilin yekunlarına görə, Azərbaycan və Avstriya arasında mal dövriyyəsi $49,2 mln. təşkil edib. İxrac əməliyyatları $2,5 mln., idxal əməliyyatları isə $46,6 mln. təşkil edib. AR-a Avstriya mallarının idxalının artması istənilən layihənin reallaşdırılmasına yardım edir. Belə artım Bakı-Tbilisi-Ceyhan ƏİB-in tikintisi layihəsinin reallaşdırılması və səkkiz il əvvəl Avstriya podratçıları Azərbaycanda elektrik stansiyasının tikintisinə cəlb edildikləri zaman müşahidə edilib. Bununla yanaşı, mal dövriyyəsinin hazırki səviyyəsi aşağıdır və bu hər iki tərəfi qane etmir.
Bu gün Azərbaycanla müntəzəm olaraq işləyən 50 Avstriya firması var.
Mayın 7-ə olan rəsmi məzənnə 0,828 AZN/USD
Müəlliflə əlaqə saxlamaq üçün elektron ünvan: [email protected]
