Azərbaycan, Bakı, 13 may/ Trend , müxbir İ.Xəlilova/Azərbaycanın Maliyyə Nazirliyi doqquz iri vergi ödəyicisindən dövlət büdcəsinə daxilolmaların 32,3 faiz artdığını təsdiq edib. Bu barədə çərşənbə axşamı nazirlikdən məlumat veriblər. Operativ məlumatlara əsasən, vergi orqanlarının 2008-ci ilin birinci rübündə dövlət büdcəsinə ödədikləri vəsaitlərin 23,5 faizi və ya 299,6 mln. manat doqquz iri vergi ödəyicisinin hesabına təmin edilib.
Ötən ilin analoji göstəricisi ilə müqayisədə, bu göstərici 73,2 mln. manat artıb. ARDNŞ istisna olmaqla, qalan 8 iri vergi ödəyicisi tərəfindən ötən illə müqayisədə 16,8 faiz (8,4 mln. manat) artımla 58,4 mln. manat ödənilib.
"Azərenerji" ATSC-nin hesabına yanvar-martda 24,5 mln. manat ödənilib ki, bu da 1,9 faiz təşkil edir. "Azəriqaz" QTSC-nin hesabına 12,8 mln. manat (1 faiz), ADDY - 6,6 mln. manat (0,5 faiz), "AzAL" DK - 6,4 mln. manat (0,5 faiz), Rabitə və İnformasiya Texnologiyaları Nazirliyi - 5,1 mln. manat (0,4 faiz), "Azərkimya" DŞ - 0,6 mln. manat (0,1 faiz), "Azərsu" SC - 1,7 mln. manat (0,1 faiz), XDG - 0,7 mln. manat (0,1 faiz) ödənilib.
"Azərkimya" tərəfindən büdcə daxilolmaları 2007-ci illə müqayisədə 2,3 dəfə, "Azərenerji" - 43,2 faiz, Rabitə Nazirliyi - 29,3 faiz, ADDY - 14,5 faiz, XDG - 10,4 faiz, "Azəriqaz" - 6,4 faiz artıb. "AzAL"ın xətti ilə dövlət büdcəsinə daxilolmalar 17,1 faiz, "Azərsu" - 33,3 faiz azalıb. Bununla yanaşı, Rabitə və İnformasiya Texnologiyaları Nazirliyi dövlət büdcəsinə 8,8 mln. manat ödəyib ki, bu da 2006-cı ilin analoji dövrü ərzində olan daxilolmalardan 2,1 faiz azdır.
Ümumilikdə Vergilər Nazirliyi birinci rübdə dövlət büdcəsinə 1276,8 mln. manat və ya ümumi büdcə daxilolmalarının 64,3 faizini ödəyərək, proqnozu 108 faiz yerinə yetirib.
Mayın 13-ə olan rəsmi məzənnə - 0,8269 AZN/USD.
Müəlliflə əlaqə saxlamaq üçün elektron ünvan: [email protected]
