Azərbaycan, Bakı, 15 may/ Trend müxbir Ü.İsmayılova/ Almaniyanın Commerzbank-nın Bakıdakı nümayəndəliyi Azərbaycanın Pasha Bank-ı ilə əməkdaşlıq haqqında müqavilə bağlayıb və hazırda Bank Avrasia ilə danışıqlar aparır. Bu barədə cümə axşamı Azərbaycan-Bavariya biznes-forumunda bankın Azərbaycandakı nümayəndəsi Marko Qraf məlumat verib.
Qrafın sözlərinə görə, hazırda 22 yerli bank Commerzbank-ın azərbaycanlı tərəfdaşıdır və bank hazırda bu siyahının genişləndirilməsi üçün bazarı öyrənir.
Azərbaycanda 46 bank fəaliyyət göstərir.
Qraf yalnız beynəlxalq biznesdə təcrübəyə malik bankların Commerzbank-ın tərəfdaşı ola biləcəklərini söyləyib.
Qraf Commerzbank-ın beynəlxalq biznes sahəsində ixtisaslaşdığını və buna görə də ölkə daxilində biznesin banka maraqlı olmadığını əlavə edib.
Commerzbank-ın nümayəndəsi həmçinin bildirib ki, bank hazırda yerli korporativ müştərilərlə beynəlxalq standartlara müvafiq iş proqramını hazırlayır. Belə ki, Azərbaycanın bütün şirkətləri qərb dərəcələri ilə kreditqabiliyyətli deyirlər.
Commerzbank-ın Bakı nümayəndəliyi apreldə açılıb.
Bankın əsas funksiyası Azərbaycanda Alman investisiyalarının və əksinə Almaniyada Azərbaycan investisiyalarının təşviqidir.
Müəlliflə əlaqə saxlamaq üçün elektron ünvan: [email protected]
