Azərbaycan, Bakı, 16 may / Trend , müxbir M.Əliyev/ Yaxın vaxtlarda Bakı və Kabil arasında avia əlaqə bərpa edilə bilər.
2008-ci il martın 26-da Bakı-Kabil avia əlaqəsi növbəti dəfə dayandırılıb.
"Azərbaycan Hava Yolları" Dövlət Konsernindən aviareysin bağlanma səbəbi kimi Əfqanıstan tərəfinin uçuşların təhlükəsizliyini təmin etmək iqtidarında olmaması göstərilib.
Azərbaycanın Pakistandakı səfirliyinin iqtisadiyyat şöbəsinin rəhbəri Sabir Rzayevin cümə günü İslamabaddan telefonla Trend a verdiyi məlumata görə, Kabil aeroportunun təhlükəsizlik sistemi yeni xarici şirkətə həvalə olunub və bu şirkət təhlükəsizliyə tam zəmanət verir. O, şirkətin məxsus olduğu ölkənin adını açıqlamayıb.
Azərbaycan Pakistandakı səfirliyinin nümayəndəsini 2008-ci il mayın 9-da Əfqanıstandakı daimi diplomatik nümayəndəliyin rəhbəri təyin edib.
Bakı-Kabil-Bakı aviareysləri Əfqanıstanda həyata keçirilən bərpa işlərində iştirak edən xarici mütəxəssislərin daşınması üzrə artan tələbat nəticəsində 2006-cı ilin yayından bərpa olunub. Onların əksəriyyəti Kabilə Bakıdan keçməklə yolanırdılar. Reyslər "TU 154" təyyarələri vasitəsilə həftədə üç dəfə həyata keçirilirdi.
Müəlliflə əlaqə saxlamaq üçün elektron ünvan trend
