Qiymətli Kağızlar üzrə Dövlət Komitəsi "FinansLizinq" ASC-nın faizli təmin edilməmiş adlı sənədsiz istiqrazlarının emissiya prospektini qeydə alıb. Bu barədə Komitənin cümə günü yayılan məlumatında deyilir. Emissiyanın həcmi 600.000 AZN təşkil edir, bir istiqrazın nominal dəyəri 500 AZN, istiqrazlar üzrə illik faiz dərərcəsi 18%, dövriyyə müddəti 360 gündür.
Emissiya prospektinə əsasən, yerləşdirmə, kütləvi təklif üsulu ilə, Bakı Fond Birjası vasitəsi ilə keçiriləcək.
İstiqrazların yerləşdirilməsində "AzərInterTreyd" MMC. anderrayter vəzifəsində çıxış edəcək.
İstiqrazları əldə etmək istəyən şəxslər "Bakı Fond Birjası" QSC-nin üzvü olan və broker lisenziyasına malik olan təşkilata müraciət edə bilər.