Azərbaycan, Bakı, 26 may/ Trend , müxbir Ü.İsmayılova/ Ərəb sahibkarları Azərbaycanın qeyri-neft sektorunun inkişafında iştirak etmək niyyətindədirlər. Bu barədə bazar ertəsi Bakıda, Azərbaycan- BƏƏ biznes-forumunda BƏƏ-nin xarici ticarət naziri Şeyxə Lübnə bint Xalid Əl-Qasimi məlumat verib.
"Qeyri-neft sektorunda iştirak həm hökumət, həm də BƏƏ-nin özəl şirkətlərinə maraqlıdır", - nazir bildirib.
Onun sözlərinə görə, ərəb şirkətləri Azərbaycanda, əsasən, tikinti sektorunda, ictimai iaşə obyektləri tikintisində, yeni texnologiyaların işlənilməsində, kənd təsərrüfatı və turizm biznesi sahəsində iştirakda maraqlıdırlar.
"Hazırda əmirliyin hökuməti gələcək kapital yatırımları üçün Azərbaycanın iqtisadiyyatını öyrənir", - nazir bildirib.
Yanvar-martda Azərbaycan və Birləşmiş Ərəb Əmirlikləri arasında mal dövriyyəsi $10 mln.-u ötüb.
Müəlliflə əlaqə saxlamaq üçün elektron ünvan: [email protected]