Azərbaycan, Bakı, 10 iyun / Trend , müxbir Ü.İsmayılova/ İqtisadi Tədqiqatlar Mərkəzi QHT-nin hesablamalarına görə, mayda Azərbaycanda istehlak qiymətləri indeksi 1,43 faiz təşkil edib. Bakıda bu 1,71 faiz, ölkənin regionlarında isə 1,08 faiz olub.
Ölkədə inflyasiyanın səviyyəsi ilin əvvəlinə nisbətən 14,65 faiz, 2007-ci ilin analoji dövrünə nisbətdə isə, 28,45 faiz təşkil edib.
Mayda ən yüksək qiymət artımı qeyri-ərzaq mallarında müşahidə olunub - 1,92 faiz, ərzaq malları - 1,28 faiz, xidmətlər - 1,23 faiz.
Ən yüksək inflyasiya ölkənin Quba (3,05 faiz) və Mingəçevir (0,87 faiz) rayonlarında müşahidə edilib.
Müəlliflə əlaqə saxlamaq üçün elektron ünvan: [email protected]
