Azərbaycan, Lənkəran, 13 iyun / Trend , müxbir P.Əliyeva /Lənkəran şəhərinin hava limanına gedən yol 12 metrədək genişləndiriləcək. Bu barədə Lənkəran şəhər İcra Hakimiyyətinin Arxitektura və tikinti şöbəsinin direktoru Mətləb İbrahimov məlumat verib.
Onun sözlərinə görə, yolun kənarında olan 30-dan çox köşk, ticarət, tikinti obyektləri və digər tikililər söküləcək və uzunluğu 1,6 km, eni 6 metr olan yeni üslüblu, müasir yol tikiləcək. Ölçmə və inventarlaşma işləri artıq aparılıb, layihənin eskizi hazırdır.
Yol kənarındakı tikililər və köşklər barəsində İbrahimov bildirib ki, hüquqi rəsmi sənədləri olan həmin obyektlərin sahiblərinə yoldan 30 metr məsafədə başqa sahələr ayrılacaq.
Lənkəran hava limanında son tamamlanma işləri aparılır. Limanın sentyabrda istifadəyə verilməsi nəzərdə tutulur.