Azərbaycan, Bakı, 23 iyul/ Trend , müxbir İ.Xəlilova/ Azərbaycan Beynəlxalq Bankı (ABB) Milli Bankın tələb etdiyi kapitalın adekvatlaşması (ümumi kapitalın aktivlərə qarşılıqlı nisbəti) üzrə 12 faizlik normativləri yerinə yetirir, - Milli Bankın İdarə Heyətinin sədr müavini Rüfət Aslanov deyib.
"Bankın bu artım tempinin saxlanılması və onun kapitallaşma məsələsinin birdəfəlik aradan qaldırılması üçün Milli Bankın apardığı yoxlamaların nəticələri üzrə ABB-yə gələcək kapitallaşma proqramı təqdim edilib. Biz ümid edirk ki, bankın səhmdaralrı tövsiyələrimizi nəzərə alacaqlar", - Aslanov qeyd edib.
Bu yaxınlarda ABB İdarə Heyətinin sədri Cahangir Hacıyevin bildirdiyinə görə, kapitalın adekvatlıq normativlərinə riyaət edilməsi üçün bankın Nizamnamə kapitalının üç dəfə artırılmasına ehtiyac var. Milli Bank ABB-na Nizamnamə kapitalını 300 ml. manatadək artırmağı tövsiyə edib.
"Bank aktivlərini artırmaqla yanaşı, ABB-nin kapitallaşmasını da saxlamq çox vacibdir", - bankın başçısı hesab edir.
İyulun 1-nə bankın aktivləri il ərzində 65,9 faiz artaraq, 3 635,8 mln. manat olub. ABB-nin Nizamnamə kapitalı isə 100 mln. manatdır. Milli Bankın normativlərinə görə, kapitalın adekvatlığına olan tələb 12 faiz, Bazel standartlarına görə 8 faizdir. Hacıyev hesab edir ki, müxtəlif hesablamalara əsasən, ABB-ı kapitalın adekvatlıq normalarına cavab verir, lakin kreditin verilməsi normalarının və digər normativlərin pozulması halları mövcuddur.
ABB-də dövlətin payı 50,2 faizdir. Kapitalın qalan hissəsi şəxsi səhmdarların vəsaitləri hesabına formalaşır.
İyulun 23-nə rəsmi valyuta məzənnəsi 0,8065 AZN/USD-dır.