Azərbaycan, Bakı, 04 avqust / Trend , müxbir İ.Xəlilova/ Azərbaycan və Türkiyənin bank birlikləri arasında əməkdaşlığa dair sazişin imzalanması üçün avqustun ikinci yarısında Türkiyənin Banklar Assosiasiyası nümayəndə heyətinin Bakıya səfəri gözlənilir. Bu barədə bazar ertəsi Azərbaycan Banklar Assosiasiyasının prezidenti Eldar İsmayılov bildirib.
Onun sözlərinə görə, səfər zamanı Türkiyə kapitalının iştirakı ilə yaradılmış Azərbaycan bankları ilə adı çəkilən ölkə bankları arasında görüşün keçirilməsi planlaşdırılır. Nümayəndə heyətinin tərkibinə Türkiyənin iri bank nümaynədələri daxil olacaq.
Bu gün Azərbaycanda Türkiyə kapitalının iştirakı ilə iki bank - "Yapi Kredi Banki" və "Azer-Turk Bank" fəaliyyət göstərir. Türkiyənin "Ish Bankasi" da ölkədə əməliyyatları genişləndirmək məqsədilə Azərbaycanda öz filialını açmaq niyyətindədir, lakin hələ ki, Azərbaycan Milli Bankına rəsmi müraciət daxil olmayıb.
Bank Cəmiyyətləri, öz növbəsində, digər ölkə bazarlarında baş verən proseslər barədə informasiya mübadiləsi aparmaq, onların bank fəaliyyəti sahəsində mövcud qanunvericiliklə tanışlıq və digər məqsədlərlə bağlı əlaqələr yaradır. Azərbaycan Banklar Assosiasiyasının Ukrayna, Belarus və Latviyanın Banklar Assosiasiyaları ilə əməkdaşlığa dair sazişi var.
Avqustun 4 -nə olan rəsmi məzənnə 0,809 AZN/USD təşkil edir.
Məqalə müəllifi ilə əlaqə ünvanı - [email protected]