Azərbaycan, Bakı, 06 avqust/ Trend , müxbir İ.Xəlilova/ Ötən beş ildə Azərbaycanın strateji valyuta ehtiyatları 8,8 dəfə artaraq, 2008-ci il avqustun 1-nə olan vəziyyətə görə, 14 milyard dollara çatıb, - avqustun 5-də prezident İlham Əliyevin sədrliyi ilə Nazirlər Kabinetində 2008-ci ilin birinci yarısında sosial-iqtisadi inkişafın nəticələrinə həsr olunmuş iclasda maliyyə naziri Samir Şərifov deyib. Artım $1,5 milyard təşkil edib.
İlin əvvəli ilə müqayisədə valyuta ehtiyatları 80,5 faiz ($5,8 мilyard.) artaraq, $13 milyarda çatıb.
İlin sonunadək onun həcminin $20 milyarda çatması gözlənilir. Ehtiyatların ikiqat artımı əsasən Dövlət Neft Fondunun hesabına daxil olan vəsaitlər hesabına olacaq. Bu "Azəri-Çıraq-Günəşli" yatağından gələn gəlirin Azərbaycanın payına düşəcək həcmindən asılı olacaq.
"Ölkənin maliyyə imkanlarının genişlənməsi, sərmayə siyasətinə müsbət təsir edir və birinci yarımillik ərzində əsas kapitala bütün mənbələrdən istiqamətlənmiş sərmayələr, 31,6 faiz artıb", - nazir qeyd edib.
Onun sözlərinə görə, beş il ərzində bankın və sığorta şirkətlərinin aktivləri doqquz dəfə (944 mln. manatdan 8,5 milyarda manatadək) artıb. Əhalinin banklardakı əmanətləri isə 8,3 (193 mln. manatdan 1,603 miyard manatadək) dəfə artıb.
Cari valyuta məzənnəsi 0,8093 AZN/USD-dır.
