Azərbaycan, Bakı, 12 avqust/ Trend , müxbir İ.Xəlilova/ Zamin Bank ASC "Union Card" və "National Credit Card" (NCC) ödəmə sisteminin üzvü olub və Azərbaycanda ilk dəfə olaraq NCC plastik kartlarının emissiyasına başlayıb,- çərşənbə axşamı bankdan bildiriblər.
Bu il bu sistemin1 minə yaxın kartını buraxmaq planlaşdırılır.
NCC kartlarının sahibləri xidmət və alqı kartları vasitəsilə zəruri məbləğləri manat, rubl, ABŞ dolları və ya avro ilə ödəyə, həm Azərbaycan, həm də Rusiya Federasiyası və MDB ölkələrində bankomatlar vasitəsilə hesablarından nəqd pul çıxara biləcəklər.
Zamin Bank 2006 - cı ilin noyabrından Visa İnternational ödəmə sisteminin üzvüdür və öz müştərilərinə VİSA Electron, VİSA Classic, VİSA Gold və VİSA Platinum kartlarını təqdim edir. Bankdan qeyd ediblər ki, hazırki günədək bank 10 mindən çox kart buraxıb.
Zamin Bank Millikart Prosessinq Mərkəzinin səhmdarlarından biridir və öz kartlarına onun sistemi vasitəsilə xidmət göstərir.
NCC/US birləşdirilmiş ödəmə sistemi 2005 - ci ildə, 1993 - cü ildən Rusiyanın maliyyə bazarında çalışan NCC və Union Card ödəmə sistemlərinin birləşməsi nəticəsində yaranıb. Hazırda şirkət öz müştərilərinə prosessinq xidmətləri təqdim edir, beynəlxalq və Rusiya ödəmə sistemlərinin plastik kartlar texnologiyasını tətbiq edərək, əmək haqları, kredit proqramları, mal və xidmətlərə görə nəqd olmayan hesablamalar sahəsində əməliyyatlar həyata keçirir. Sistemin fəaliyyə sahəsinə Visa, MasterCard, China Union Pay, Union Card, NCC kartlarına xidmət göstərilməsi də daxildir.
Avqustun 12-nə olan cari məzənnə -- 0,8136 AZN/USD.
Müəlliflə əlaqə saxlamaq üçün elektron ünvan - [email protected]
