Azərbaycan, Bakı, 22 avqust/ Trend , müxbir Ü.İsmayılova/Azərbaycan Prezidenti yanında Qiymətli Kağızlar üzrə Dövlət Komitəsi avqustun əvvəlində Qala Sığorta MMC sığorta şirkətinin təsis etdiyi emissiya prospektini qeydə alıb.
Komitə, hər birinin nominal dəyəri 1 min manat olmaqla, bir min ədəd sənədsiz adlı səhmi qeydə alıb.
Yeni sığorta şirkəti "Qala Sığorta"nın təsisçisi Azərbaycanın yeganə təkrarsığorta şirkəti - AZRE Təkrarsığortadır.
Azərbaycanın ilk təkrarsığorta şirkəti AzRE 2007- ci il noyabrın 7- də Azərbaycanın Maliyyə Nazirliyindən təkrar sığorta fəaliyyətinin aparılması üçün lisenziya alıb. Şirkətin Nizamnamə kapitalı 2 mln. manat təşkil edir. Şirkətin səhmdarları 6 fiziki şəxsdir. Şirkəti həm yerli, həm də regional təkrarsığorta şirkətləri və təkrarsığorta vasitəçilərinə Non-life sığorta xidmətləri göstərir.
