Azərbaycan, Bakı, 23 avqust / Trend , müxbir U.İsmayılova/ Cari ilin yanvar-iyul ayları ərzində Azərbaycanın nəqliyyat vasitələri ilə 70229,7 min ton yük daşınıb ki, bu da 2007-ci ilin analoji dövr göstəricisinə nisbətdə 592,22 faiz çoxdur. Bu barədə şənbə günü Dövlət Gömrük Komitəsindən məlumat verilib. Bu dövr ərzində yük ixracı 64455,4 min ton, idxal isə 5774,3 min ton təşkil edib.
Yeddi ay ərzində dəniz nəqliyyatı ilə 355,3 min ton, dəmir yolu ilə 12949 min ton, avtomobil nəqliyyatı ilə 398,5 min ton, hava nəqliyyatı ilə 2,3 min ton, boru kəməri nəqliyyatı ilə isə 50746,4 min ton yük daşınıb.
Yanvar-iyul ərzində, Azərbaycan ərazisindən keçməklə, 3905,4 min ton yük daşınıb ki, bu da ötən ilin analoji dövr göstəricilərinə nisbətdə 124,35 faiz və ya 764,8 min ton çoxdur.
Azərbaycan ərazisindən keçməklə, İtaliyaya 1350,8 min ton, İsveçrəyə 1091,7 min ton, Gürcüstana 615,7 min ton, Tacikistana 237,4 min ton, Türkiyəyə 143,3 min ton, İrana 156,7 min ton, Rusiyaya 102,1 min ton, Qazaxıstana 26,1 min ton, Türkmənistana isə 126,1 min ton yük daşınıb.
Məqalə müəllifi ilə əlaqə ünvanı: capital@trend
