Azərbaycan, Bakı, 25 avqust / Trend , müxbir S.Babayeva/ Azərbaycanda "Quş qripi"nin qarşısının alınması üzrə monitorinqlər payızda bərpa olunacaq. Bu barədə bazar ertəsi Azərbaycan Kənd Təsərrüfatı Nazirliyi yanında Dövlət Baytarlıq Xidmətinin mətbuat katibi Yolçu Xanvəli bildirib.
"Payızda köçəri quşların fəal miqrasiyası başlayır və biz növbəti monitorinqin noyabrın əvvəlində keçirilməsini məqsədəuyğun hesab etmişikə", - deyə Xanvəli bildirib.
Ümumilikdə, bu il keçirilən dörd monitorinqin yekunu üzrə 7 mindən çox çöl və ev quşunun qan nümunəsi və pataloji materilı tədqiq olunub.
Monitorinq Abşeron yarımadası, ona bitişik ərazilər, Dəvəçi, Salyan, Ağcəbədi, Lənkəran rayonlarını, Xəzərin sahilyanı zolağını əhatə edir.
Dövlət Xidməti ötən il 12 monitorinq həyata keçirib, 8 mindən çox çöl və ev quşu nümunəsi tədqiq edib. Heç birində virus daşıyıcısı aşkar olunmayıb.
Məqalə müəllifi ilə əlaqə ünvanı: Capital
