Azərbaycan, Bakı, 27 avqust/ Trend müxbir S.Babayeva/Azərbaycanın Standartlaşdırma, Metrologiya və Patent üzrə Dövlət Agentliyi "Russkiy Reqistr Kaspiy" sertifikatlaşdırma orqanının ölkədə fəaliyyətini dayandırıb. Agentliyin verdiyi məlumata əsasən, qərar "Russki Reqistr Kaspiy" tərəfindən sertifikatlaşdırılan təşkilatlarda İSO 9001:2000 standartının tələblərinin kobud surətdə pozulduğunun aşkar edilməsi və Beynəlxalq və Milli sertifikatlaşdırma sisteminin tələblərinə uyğun rəhbəredici sənədlərinin olmaması ilə əlaqədar qəbul edilib.
Lisenziya avqustun 25-də dayandırılıb.
Təcili şərhlər almaq üçün "Russkiy Reqistr Kaspiy" ilə əlaqə saxlamaq mümkün olmayıb.
Sertifikatlaşdırma Assosiasiyası "Russkiy Reqistr" təşkilatların menecment sistemlərinin sertifikatlaşdırılması üzrə müstəqil orqandır. Russkiy Reqistr bütün sənaye və xidmət sahələrində menecment sistemlərinin sertifikatlaşdırılması üzrə xidmətlər təklif edir: menecment sistemlərinin keyfiyyət sertifikatı (İSO 9001:2000 beynəlxalq standartın tələblərinə uyğun olaraq); QOST R sistemində menecment sistemlərinin keyfiyyət sertifikatı (QOST R İSO 9001-2001-in tələblərinə uyğun olaraq); "QAZPROMSERT" sistemində menecment sistemlərinin keyfiyyət sertifikatı (İSO 9001:2000, QOST R İSO 9001:2001, STO QAZPROM 9001:2006, İSO 14001:2004, QOST R İSO 14001, OHSAS 18001 (QOST R 12.0.006 -in tələblərinə uyğun olaraq)) və digərləri.