...

Azərbaycan yeni Boeing təyyarələri almaqla Amerikaya birbaşa reyslər açmaq niyyətindədir

Biznes və iqtisadiyyat xəbərləri Materials 2 Sentyabr 2008 19:15 (UTC +04:00)

Azərbaycan, Bakı, 02 sentyabr/ Trend Cap , müxbir E.İsmayılov/ "Amerika istehsalı olan yeni Boeing təyyarələrinin alınması AZAL QSC-yə, eləcə də ABŞ-a transkontinental reyslər açmağa imkan verəcək", - AZAL-ın rəhbəri Cahangir Əsgərov çərşənbə axşamı bildirib.

"Hazırda ABŞ və dünyanın digər ölkələrinə reyslərin həyata keçirilməsinə zərurət yaranıb", - o qeyd edib.

ABŞ - a yeni reysi 2013 - cü ildən sonra açmaq planlaşdırılır. "Hazırda biz Amerikaya uçuşlar üçün sertifikatın alınması üzrə iş aparırıq. Bu iş isə maraqlı və uzundur", - Əsgərov bildirib.

Əvvəllər AZAL alınacaq təyyarələrin sayının artırılması baxımından "Boeing - Mülki təyyarələr" şirkəti ilə müqaviləni yenidən nəzərdən keçirib. Müqaviləyə əsasən, AZAL 2010 -2011- ci illərdə dörd Boeing 737-900 ER, 2010-cu ildə iki 767-300 ER və 2013-cü ildə iki 787-8S təyyarəsi alacaq. "ABŞ-a uçuşlara 2013 - cü ildə - 787-8S Dreamliner təyyarələrini aldıqdan sonra başlmaq planlaşdırılır", - Əsgərov bildirib.

Boeing 787-8 Dreamliner və Boeing 787-9 Dreamliner təyyarələrinin modifikasiyaları müvafiq olaraq, 15700 və 15400 km məsafəli marşrutlar üzrə üçsinifli salonla 223 -259 sərnişin daşıya bilərlər. Yeni laynerin daha bir modifikasiyası - Boeing 787-3 Dreamliner ikisinifli salonda 6500 kilometrədək məsafəyə 296 - dək sərnişin daşınmaları üçün nəzərdə tutulub.

Müəlliflə əlaqə saxlamaq üçün elektron ünvan [email protected]

Xəbər lenti

Xəbər lenti