Azərbaycan, Bakı, 05 sentyabr/ Trend Cap , müxbir İ.Xəlilova/ Azərbaycanın Maliyyə Nazirliyi 2008 - ci ildə xarici valyutada nominallaşdırılmış dövlət istiqrazlarının (avroistiqrazlar) buraxılışını hələ müəyyən etməyib, - maliyyə naziri Samir Şərifov bildirib.
Əvvəllər Azərbaycan hökuməti avrobondların buraxılışı üzrə tədbilərin bərpası üçün dünya maliyyə bazarlarında əlverişli konyukturanın yaranmasını gözləyib. Bu gün isə, Gürcüstandakı hadisələr planlara təsir edə bilər. Maliyyə naziri bu məsələ ilə bağlı bildirib ki, " biz hələ düşünürük və onların 2008 - ci ildə yerləşdirilməsi ilə bağlı məsələni həll etməmişik".
Avroistiqrazların yerləşdiriləcəyi müddətin qeyri - müəyyən olması ilə əlaqədar, Maliyyə Nazirliyi ötən ilin noyabrında inkişaf etmiş ölkələrdə keçirilməsi planlaşdırılan road-show-nu təxirə salıb.
2007-ci ildə dünya maliyyə bazarlarında və ilk növbədə, ABŞ - da superriskli ipoteka böhranı müşahidə olunub ki, bu da əksər inkişaf etmiş dövlətlərin maliyyə sisteminə təsir göstərib. Bu vəziyyətdə inkişafda olan ölkələrin suveren borcu üzrə spred nəzərə- çarpacaq dərəcədə genişlənib və vəziyyət indiyədək sabitləşməyib. Əksinə, sərmayədarlar inkişafda olan ölkələrdə maliyyələşdirmə məsələlərinə ehtiyatla yanaşamağa başlayıblar.
Maliyyə Nazirliyi bazarlara çıxmaqla, Azərbaycan üçün əlverişli faiz dərəcələri altında vəsaitlər cəlb etmək üçün, vəziyyəti diqqətlə müşahidə edir. Əvvəllər avrobondların birinci emissiyasının tarixi açıqlanıb: 2007- ci ilin sentyabr - oktyabrı. Lakin bu il üçün müddət müəyyən edilməyib. Avroistiqrazları beş il dövriyyə müddəti ilə buraxmaq planlaşdırılır. Buraxılacaq istiqrazların həcminin əvvəl bəyan edilən $300 mln.-a qarşı $500 mln. səviyyəsində olacağı gözlənilir. Bank AG London və Citigroup Global Markets Limited avrobondlarin birinci emissiyasının həyata keçirilməsi üzrə hökumətin menecerləri kimi seçilib.
Hökumətin ardınca Azərbaycan bankları - Azərbaycan Beynəlxalq Bankı (suveren avroistiqrazların buraxlışından sonra planlaşdırır), Unibank (2008 - ci ilin noyabrınadək), TexnikaBank (ilin əvvəlində road-show keçirsə də, yerləşdirməni təxirə salıb) və s. banklar avrobondların buraxılışını təxirə salıblar.
Sentyabrın 5-nə olan cari mübadilə məzənnəsi -- 0,8154 AZN/USD.
Müəlliflə əlaqə saxlamaq üçün elektron ünvan [email protected]