Azərbaycan, Bakı, 11 sentyabr / Trend , müxbir Ü.İsmayılova/ Azərbaycanın ən iri sığorta şirkətlərindən biri olan MBASK iyul-avqustda 2,6 mln. manatdan çox sığorta haqqı yığıb, - cümə axşamı şirkətdən bildiriblər.
İyulda MBASK-ın yığımları 1,2 mln. manat, avqustda isə 1,4 mln. manat olub.
Şirkət iyul-avqustda ümumi sığorta növləri üzrə 480 sığorta ödənişi həyata keçirib.
Ödənişlərin ümümi məbləği təxminən 1,3 mln. manat olub ki, bundan da iyulda 714 min manat, avqustda isə 558 min manat ödənilib.
Ödənişlərin ümümi həcmindən 397 min manat dəyərində 116 müqavilə özəl şəxsi növlərin payına düşüb. Korporativ növlər üzrə (364 iş) məbləğ 874 min manatdan çox olub.
Şirkətin ötən ay ərzində ən böyük ödənişi avtomobilin sığorta edilməsi üzrə müqavilə çərçivəsində edilərək, 44 min manat təşkil edib.
Müqavilə üzrə ödənişlərin alınmasının orta davamiyyəti, sığorta ərizəsinin verilməsi anından 15 gün olub. İtkilərin məbləği az olduqda, bu müddət bir neçə gün azaldılır.