Azərbaycan, Bakı, 12 sentyabr / Trend müxbir İ.Xəlilova/ Azərbaycan hökuməti 1994-cü ildə Türk EximBank-a yaranan borcun ödənilməsini 10 il ərzində yekunlaşdıracaq. Bunu cümə günü bankın baş direktorunun müavini Ertan Tanrıyakul deyib.
250 milyon dollarlıq kreditdən Azərbaycan 74 milyonunu istifadə edib. Bank rəsmisinin sözlərinə görə, həmin pulların qaytarılması prosesi artıq başlayıb və bu, Azərbaycan Beynəlxalq Bank vasitəsilə həyata keçirilir.
Borcun istifadə olunmuş hissəsinin restruklaşmasına dair yüksək səviyyədə əldə olunan anlaşmalara rəğmən konkret nəticələr əldə edilib. İmzalanan protokola əsasən kreditin 48 milyonu üzrə Azərbaycan faizlər ödəməyəcək. Yerdə qalan hissənin (26 milyon) üstünə isə illik 2 faiz gələcək. Kreditin istifadə olunmuş hissəsi ilə bağlı ödəmələr 2010-cu ilədək başa çatmalıdır.
Türk EximBank-ın krediti müxtəlif istiqamətlərdə - taxıl, dərman preparatlarının və s. malların aalınması üçün istifadə olunub.
"Türk EximBank Azərbaycan bankları vasitəsi ilə ticarət əməliyyatları üçün yeni kredit xətləri açmağa hazırdır. Hazırda bu istiqamətdə 2-3 bankla danışıqlar aparılır", - deyə bank rəsmisi bildirib.
Lakin Türk EximBank-ın Azərbaycanın bank bazarında filialının yaxud da törəmə bankının açılması ilə bağlı planları yoxdur.
12 sentyabr üçün rəsmi məzənnə 0,8155 AZN/USD təşkil edir.
Məqalənin müəllifi ilə bu ünvan vasitəsi ilə əlaqə saxlamaq olar - [email protected]
