"Mugan Bank xarici sərmayədarın cəlb edilməsi üzrə danışıqlar aparır və səhmlərinin 25 faizini ona verməyə hazırdır", - bankın İdarə Heyətinin sədri Şaiq Ələkbərov cümə günü bildirib. Əcnəbi sərmayədarın cəlb edilməsi üzrə saziş bu il olmasa da, 2009-cu ildə imzalana bilər.
"Bizim bank yalnız maliyyə deyil, institusional inkişaf üzrə əcnəbi qurumlar üçün açıqdır. Belə ki, biz bankın inkişafında, əcnəbi kapital və əcnəbi maliyyə qurumlarının inkişafında maraqlıyıq", - Ələkbərov qeyd edib.
Əvvəllər Azərbaycan bankının kredit xətləri çərçivəsində 2006-cı ildən əməkdaşlıq etdiyi Avropa Yenidənqurma və İnkişaf Bankının səhmdar kapitala cəlb edilməsi perspektivləri haqqında bəyanat verilib. Avropa Bankının iş prinsipi belədir ki, bank əvvəlcə kreditləşdirməyə başlayır, sonrakı illərdə isə səhmdarlığa daxil olma imkanlarını nəzərdən keçirir. Bununla əlaqədar bu variant istisna edilmir.
Bu gün Mugan Bank-ın aktivləri 100 mln. manata yaxındır. Bankın məcmu kapitalı 14,5 mln. manat, Nizamnamə kapitalı isə 12 mln. manat səviyyəsində formalaşdırılıb. Kapitalın adekvatlılığı Azərbaycan Milli Bankının normativ tələbi 12 faiz olmaqla 20 faiz təşkil edir. "Mugan Bank-ın səhmdarları AMB-nin normativlərinə uyğunlaşmaq üçün cari ildə mövcud səhmdarlar hesabına kapitallaşmanı 2-3 mln. manat artırmaq niyyətindədir. Əcnəbi səhmdar isə bankın səhmlərinin əlavə emissiyasının buraxılması yolu ilə cəlb ediləcək", - Ələkbərov bildirib.
Bu gün Mugan Bank 100 faizlik Azərbaycan bankıdır.
Bank 2009-cu ilin ikinci yarısnda əncəbi kapitalın cəlb edilməsi üzrə planlarla əlaqədar, beynəlxalq reytinqin alınmasına dair danışıqlara başlamağı planlaşdırır.
Sentyabrın 19-na olan cari mübadilə məzənnəsi -- 0,8133 AZN/USD.
Müəlliflə əlaqə saxlamaq üçün elektron ünvan: [email protected]
