Azərbaycan, Bakı, 19 sentyabr/ Trend , müxbir S.Babayeva/ Sentyabrın əvvəlinə olan vəziyyətə görə, Azərbaycanda 860,2 min hektar əkin sahəsindən, qarğıdalı istisna olmaqla, dənli bitki yığımının həcmi 2,3 mln. tonu ötüb. Bu barədə cümə günü ölkənin Dövlət Statistika Komitəsindən bildiriblər. Hər hektara düşən orta məhsularlıq 27,1 faiz təşkil edib.
Bölgələrdə dənli bitkilər yığımı başa çatsa da, qarğıdalı yığımı hələ də davam edir. Qarğıdalı istehsalı artıq 67,1 min tona çatıb ki, bu da yığılan sahələrin 43,5 faizini və ya 14,6 min hektarını təşkil edir.
Qarğıdalı da daxil olmaqla, Azərbaycanda dənli və paxlalı bitkilərin yığımı 517 min ton və ya 27,5 faiz artıb və 2,4 mln. tona çatıb.
Azərbaycan kənd təsərrüfatı naziri İsmət Abbasov əvvəllər 2008 -ci ildə ölkə əhalisinin tələbatının 80 - 85 faizini təmin edəcək rekord taxıl istihsalının olacağını proqnozlaşdırıldığını demişdi.
Ərzaq taxılına olan illik tələbat təqribən 1,6 mln. ton təşkil edir.
Məqalə müəllifi ilə əlaqə ünvanı - [email protected]
