Azərbaycan, Bakı, 22 sentyabr/ Trend , müxbir İ.Xəlilova/ Asiya İnkişaf Bankının (AİB) prezidenti Haruhiko Kuroda (Haruhiko Kuroda) Mərkəzi Asiya Regional Əməkdaşlığı Proqramı (CAREC) üzrə nazirlər konfransında iştirak etmək məqsədilə noyabrın 20 -21-də ilk dəfə olaraq Azərbaycana səfər edəcək,- Bankın Bakı nümayəndəliyindən bazar ertəsi bildiriblər.
Səfər zamanı AİB rəhbərinin hökumət və ölkə prezidenti ilə görüşlər keçirəcəyi gözlənilir. Əvvəllər Asiya bankının keçmiş prezidenti Tadao Çino Azərbaycanda olub.
Konfrans çərçivəsində bir sıra sənədləri qəbul etmək planlaşdırılır. Bu sənədlər arasında nəqliyyat dəhizlərinin inkişaf strategiyası üzrə fəaliyyət planı, enerji əməkdaşlığı planı, ticarətin inkişafı üzrə fəaliyyət planı var. Nazirlər konfransının keçiriləcəyi günədək bu görüşdə hesabat vermək üçün CAREC-in institusionallaşma konsepsiyası da formalaşdırıla bilər. Ötən nazirlər konfransında konsepsiya təsdiqlənsə də, Mərkəzi Asiya İqtisadi Əməkdaşlığı Proqramının inkişafı istiqamətində təqdiqatlar üçün ortamüddətli fəaliyyət planı hazırlamaq lazımdır.
CAREC Proqramında iştirak edən dövlətlər ötən ilin sonunda regionda ticarət və nəqliyyatın inkişafına yardım proqramını təsdiqləyiblər və hazırda energetika sahəsində analoji strategiya hazırlanır. Strategiyanın nazirlərin görüşündə təsdiqlənəcəyi gözlənilir. Azərbaycan turizm sahəsində ölkələr arasında regional əməkdaşlığın genişləndirilməsi təklifi ilə çıxış edib. Bu təklif ilkin mərhələdə ötən il Düşənbədə keçirilən nazirlər konfransında təsis edilən Araşdırmalar İnstitutu tərəfindən nəzərdən keçirilməlidir.
Azərbaycan hökuməti tərəfdən CAREC Proqramında Koordinasiya İdarəsi İqtisadi İnkişaf Nazirliyidir.
Mərkəzi Asiya İqtisadi Əməkdaşlığı Proqramı AİB -in təşəbbüsü ildə 1998 - ci ildə təsis edilib.CAREC - səkkiz iştirakçı dövlətin (Əfqanıstan, Azərbaycan, ÇXR, Qazaxıstan, Qırğızıstan, Monqolustan, Tacikistan və Özbəkistan) və altı beynəlxalq təşkilatın (AİB, AYİB, BVF, İİB, BMT İnkişafı Proqramı və Dünya Bankı) tərəfdaşlığıdır.
Proqram infrastruktur layihələrinin maliyyələşdirilməsi və nəqliyyat, ticarətə yardım, ticarət siyasəti və energetika kimi prioritet sahələrdə regional siyasətin təkmilləşdirilməsinə yönəlib.
Sentyabrın 22 - nə olan cari mübadilə məzənnəsi -- 0,8111 AZN/USD.
Müəlliflə əlaqə saxlamaq üçün elektron ünvan: [email protected]