Azərbaycan, Bakı, 25 sentyabr / Trend , müxbir Ü.İsmayılova/ Azərbaycan Sığortaçılar Assosiasiyası (ASA) bu həftə keçirilmiş ümumi iclasda 2009-cu il üçün fəaliyyət planını təsdiq edib, - cümə axşamı Assosiasiyanın direktoru Qafar Məcidov deyib.
їİclasda növbəti il üçün 12 tədbir təsdiqlənibї, - Məcidov bildirib.
Onun sözlərinə görə, tədbirlər planına sığorta şirkətlərin top-menecmenti üçün aşağıdakı mövzular üzrə treninqlərin təşkili daxildir: sığorta fəaliyyəti haqqında qanun, sığorta sahəsinin əməkdaşları üçün treninqlərin təşkili, ASA-nın komitələrinin təhsil, hazırlıq və təşkilati-texniki təminatı üzrə işin təşkili, sığorta bilikləri üzrə internet portalın buraxılması, sığorta üzrə elektron kitabxananın yaradılması (ədəbiyyatın Azərbaycan dilinə tərcüməsi), ASA-nın büdcəsinin hazırlanması, təsdiqi və icrası. Üzvlük haqlarına nəzarət, ASA üzvlərinə ASA-nın fəaliyyət istiqaməti üzrə informasiya və digər materialların göndərilməsi.
2009-cu ilin tədbirlər planına sığorta sahəsindəki problemlərin aşkarlanması məqsədilə sosial sorğuların keçirilməsi, ASA-ya üzvlük üzrə sığorta təşkilatları ilə iş, digər QHT-lərlə birgə əməkdaşlıq üzrə iş, xarici ölkələrin sığortaçıları və onların beynəlxalq birlikləri ilə əməkdaşlığın inkişaf etdirilməsi, Rusiya, Ukrayna və Almaniya Sığortaçılar Birlikləri ilə əlaqələrin, informasiya qarşılıqlı əlaqələrin və birgə layihələrin realizəsinin inkişaf etdirilməsi də daxildir.
їNövbəti il ikinci Azərbaycan Beynəlxalq Sığortaçılar forumu da keçiriləcəkї, - Məcidov qeyd edib.
Birinci Azərbaycan Beynəlxalq Sığortaçılar Forumu iyulda Bakıda keçirilib. Forum ölkənin sığorta bazarının inkişaf tendensiyalarına, Avropa ölkələrinin sığorta bazarlarının təcrübəsinin Azərbaycanın sığorta sektoruna təsirinə, sığorta həyatının inkişafına, ölkənin maliyyə sistemi kimi Azərbaycan sığorta bazarının və sığortada korporativ idarəetmənin təhlilinə həsr olunub.
Müşahidəçilər Şurasına beş şirkətin daxil olduğu (MBASK, Standard Insurance, Beynəlxalq Sığorta Şirkəti, Azərsığorta, Atəşgah) Azərbaycan Sığortaçılar Assosiasiyası 2006-cı ilin dekabrında təsis edilib. ASN-nın üzvləri fəaliyyət göstərən bütün sığorata şirkətləridir. Hazırda onların sayı 30-dur. Azer-Asia və Gorgud Sigorta şirkətlərinin lisenziyasının Maliyyə Nazirliyi tərəfindən ləğv edilməsi ilə əlaqədar olaraq fəaliyyətlərini dayandırmalarına baxmayaraq, onlar hələ də Assosiasiyanın üzvü olaraq qalırlar.
