Azərbaycan, Bakı, 02 oktyabr / Trend , müxbir E.İsmayılov/ Azərbaycanın Zaqatala şəhərinin mərkəzində, Talaçaq çayının üzərində ilk asma körpü ilin sonunadək istismara veriləcək, - cümə axşamı Azərbaycan Nəqliyyat Nazirliyinin "Azəryolservis" ASC-dən bildiriblər.
"İşlər hələ sona yetməyib. Biz hələ beton tökməli və asfalt çəkməliyik. Körpünün noyabr-dekabrda istismara verilməsi planlaşdırılıb", - ASC-nin nümayəndəsi deyib.
Körpünün eni 11 metr, uzuluğu 170 metrdir. Layihənin sifarişçisi "Azəryolservis" ASC, icraçı isə "Texnikaservis" şirkətidir, - əvvəllər Zaqatala rayon Yol İstismarı İdarəsinin (№17) rəisi Mövlud Qəhrəmanov bildirib.
Körpü layihəsinin ilkin dəyəri 2 mln. manat olub, lakin əlavə xərclərlə əlaqədar olaraq, körpünün smeta dəyəri iki dəfə artıb. Körpünün tikintisi əsasən yerli mütəxəssislər tərəfindən həyata keçirilir. Dəmir-beton konstruksiya isə Bakının Heydər Əliyev adına Dərin Özüllər Zavodunda hazırlanıb.
Şəki-Zaqatal yolunda asma körpünün tikintisinə 2007-ci ilin sonunda başlanılıb. Zaqatala rayonu respublikanın şimal-qərbində, paytaxtın 418 km-də yerləşir.
