Azərbaycan, Bakı, 02 oktyabr/ Trend / Azərbaycan parlamenti "Azərbaycan Respublikası və Türkmənistan Respublikası arasında kombinə edilmiş beynəlxalq yük daşınmaları haqqında saziş"i təsdiqləyib. Saziş avqustun altısında Bakıda imzalanıb.
Saziş Azərbaycan və Türkmənistanın nəqliyyat daşıyıcılarına öz yüklərini hər iki ölkənin ərazisindən daşımaq üçün nəqliyyat infrastrukturundan, o cümlədən dəmir yolu, hava və su nəqliyyatından istifadə etməyə imkan verir.
Saziş tərəflərin iştirakçıları olduqları beynəlxalq müqavilələrdən irəli gələn digər hüquq və öhdəliklərə toxunmur.