Azərbaycan, Bakı, 03 oktyabr/ Trend , müxbir N.İsmayılova/Avropa Yenidənqurma və İnkişaf Bankı (AYİB) qida məhsullarının qiymət artımının səbəblərini aşkar etməyə və aradan qaldırmağa çalışacaq.
AYİB - in Baş iqtisadçısı Erik Berqlofun (Erik Berglöf) sədrlik etdiyi ekspertlər qrupu cümə günü Londonda keçiriləcək ictimai dinləmələrdə ərzağın bahalaşmasının səbəbləri, nəticələri, bazarın buna qarşı siyasəti və reaksiyası haqqında müzakirə aparacaq.
Nəzərdən keçiriləcək əsas məsələlər aşağıdakılar olacaq: inkişafda olan ölkənin hökuməti dünya bazarında qida məhsullarının qiymətlərində baş verən dəyişikliklərin daxili qiymətlərə təsirinə nə dərəcədə icazə verməli, beynəlxalq təşkilatlar bu problemdən qaçmaq və əhalinin yoxsul təbəqələrini ərzaq məhsullarının qiymət artımından müdafiəsi üçün hansı tədbirləri görə bilərlər.
AYİB - in məlumatında bildirildiyi kimi, 2002 -2008 - ci illərdə qida məhsullarının qiymətlərində 130 faizlik artım yoxsulluğun azaldılması, sosial sabitlik, antiinflyasiya tədbirləri sahəsində proqramların realizəsi işində əhəmiyyətli uğrusuzluqların, əksər inkişafda olan ölkələrdə iqtisadi artımın ortamüddəli problemlərinin səbəbi olub.
Müəlliflə əlaqə saxlamaq üçün elektron ünvan: [email protected]
