Azərbaycan, Bakı, 03 oktyabr/ Trend , müxbir Ü.İsmayılova/ Azərbaycan Beynəlxalq Memarlar İttifaqı Assosiasiyasının (BMİA) Koordinasiya Şurasının XVI toplantısı və eyni zamanda MDB ölkələri paytaxtının Baş memarlar Şurasının VIII toplantısında iştirak edir. Toplantı Minskdə oktyabrın 2-dən 5-dək keçirilir, - cümə günü Azərbaycan Memarlıq İttifaqından bildiriblər.
Azərbaycanı bu tədbirdə BMİA-nın Koordinasiya Şurasının üzvü, ölkənin Memarlar İttifaqının Birinci katibi Elbəy Qasımzadə təmsil edir.
Tədbirlər çərçivəsində, BMİA-nın Beynəlxalq memarlar gününə həsr olunmuş 2008 - ci ilin ən yaxşı layihəsinə beynəlxalq baxış-müsabiqəsi keçiriləcəkdir.
Azərbaycan bu müsabiqəyə 5 layihə təqdim edəcək.
BMİA 1992-ci ildə təsis edilib və Azərbaycan, Ermənistan, Belarus, Gürcüstan, Qazaxıstan, Qırğızıstan, Moldova, Tacikistan, Türkmənistan, Özbəkistan, Ukrayna, Rusiya, həmçinin Kiyev, Moskva, Sankt-Peterburq şəhərlərinin memarlar ittifaqlarını birləşdirir.Tədbir hər il MDB ölkələrinin paytaxtlarından birində keçirilir. BMİA-nın Koordinasiya Şurasının XV toplantısı 2007-ci ilin Oktyabr ayında Moskvada keçirilib.