Azərbaycan, Bakı, 04 oktyabr / Trend , müxbir Ü.İsmayılova/ Cari ilin avqust ayında Bakıda qeyri-yaşayış obyektinin bir kvadrat metrinin qiyməti iyula nisbətdə 1,6 faiz artaraq 3618 dollara çatıb. Bu barədə şənbə günü "Əmlak bazarı iştirakçıları" İctimai Birliyindən məlumat veriblər. İlin əvvəlindən Bakıda qeyri-yaşayış obyektləri 30,7 faiz, 2007-ci ilin analoji dövr göstəricisinə nisbətdə isə 37,4 faiz bahalaşıb.
Avqustda kommersiya obyektlərinin icarə üzrə orta qiyməti 1,4 faiz artıb. Bazara təklif olunan qeyri-yaşayış obyektlərinin payı orta qiymətdən aşağıdır və kommersiya əmlakı bazarı portfelinin 60 faizini təşkil edib.
Ay ərzində kommersiya obyektləri bazarına edilən təkliflər 22 faiz artıb.
Avqustda qeyri-yaşayış obyektlərinin ekspozisiya müddəti 1,6 faiz artıb.
Avqust ayında Bakının qeyri-yaşayış obyektləri bazarında şəhərin zonaları üzrə qiymət artımının ümumi cədvəli:
| Şəhər zonası | Kvadrat metrə görə qiymət ($) | Ay ərzində artım (%) |
| I | 5504 | -0,4 |
| II | 3814 | 2,7 |
| III | 2601 | 5,5 |
| IV | 1138 | -8,5 |
Məqalə müəllifi ilə əlaqə ünvanı - [email protected]