Azərbaycan, Bakı, 06 oktyabr / Trend , müxbir Ü.İsmayılova/ "Hələ 15 il əvvəldən respublikanın liftlərə olan tələbatı faciəvi vəziyyət yaradıb və buna görə də Azərbaycanda liftlərin istehsalı üzrə zavodun yaradılması sadəcə zəruri idi", - Azərbaycanda lift istehsalı üzrə yeganə zavod Gilan Lift-in direktoru Fikrət Məmmədov "Əmlak Bazarı" jurnalına müsahibəsində bildirib. Onun rəyinə görə, post-sovet məkanında istehsal edilmiş liftlər müştərilərin tələbatını tamamilə ödəməsə də, kütləvi istehsal konveyerini dayandırmaq və ya dəyişdirmək mümkün deyil.
Gilan Lift zavodunda liftlər Türkiyə təcrübəsindən istifadə edilməklə istehsal edilir. Bu gün Bakıda əksər çoxmərtəbəli yeni tikililər və inzibati binalarda liftlərdən istifadə edilir və zavodun mütəxəssisləri onlara texniki xidmət göstərirlər. Gilan Lift yüksək keyfiyyətin təmin edilməsi üçün bu sahədə ixtisaslaşan Kleemann şirkəti ilə sıx əməkdaşlıq edir.
"Lift istehsalı üzrə yeganə zaovd əksəriyyəti artıq işləməyən sovet dövrü liftlərinin yeniləri, daha müasir və keyfiyyətliləri ilə dəyişdiriləcəyinə ümid verir", - Məmmədov bildirib.
Azərbaycanda lift istehsalı üzrə yeganə müəssisə - Qəbələ zavodu 1995-ci ildə yaradılıb. Onun əsas fəaliyyət sahəsi liftlərin satışı, quraşdırılması və texniki xidmət olub. 1999-cu ildən zavod lift istehsalı üzrə Şerbinsk zavodunun rəsmi nümayəndəliyi kimi fəaliyyət göstərib, 2007-ci ildən isə yeni istehsal xəttinin açılması ilə Qəbələ lift zavodu yaradılıb. 2008-ci ilin fevralında zavodun təsisçisi olan Real-3 və Gilan Holding lift istehsalı üzrə hazırki zavodu - Gilan Lift-i yaradılıb.
Zavod direktorunun sözlərinə görə, 24 nəfər peşəkar texniki əməkdaşdan ibarət briqada ilə zavodun ay ərzində doqquzmərtəbəli binalarda 30-35 lift dəyişmək imkanı var.
Azərbaycanda lift istehsalı üzrə yeganə zavod Gilan Lift-in istehsal gücü ildə 500 liftə bərabərdir. Zavod 400, 630, 800 və 1000 kiloqram yükgötürmə gücü olan liftlər istehsal edir.
Zavod istehsal edilən məhsula 1,6 il müddətində zəmanət verir. Zavodun liftləri qısa müddətdə - üç gündən 90 gün müddətinədək istehsal etmək imkanları var.
Müəlliflə əlaqə saxlamaq üçün elektron ünvan: [email protected]
