Azərbaycan, Bakı, 13 oktyabr/ Trend , müxbir N.İsmayılova, İ.Xəlilova/ Amerikanın Citibank-ı Azərbaycanın bank bazarında fəaliyyətini genişləndirməyi planlaşdırır və artıq Azərbaycan bankında səhmlərin alınması üzrə iş aparır. Bu barədə bazar ertəsi ölkənin maliyyə dairələrindən məlum olub.
Citibank-ın səhmdarlığına daxil olmağı planlaşdırdığı bankın adı açıqlanmır.
Bu gün Azərbaycanda 2008-ci ilin mayında fəaliyyətə başlayan Türkiyənin їCitibank Anonim Şirkətiїnin nümayəndəliyi fəaliyyət göstərir.
Amerika bankı Türkiyə ofisi vasitəsilə Azərbaycanda öz nümayəndəliyini açıb. Citibank ötən ilin noyabrında AMB-ə müraciət edib və Milli Bankın Idarə Heyəti 2008 - ci il fevralın 18 - də Bankın Azərbaycanda nümayəndəlik açmasına razılıq verib.
Artıq o zaman Citibank ölkədə geniş planlarının olduğunu elan edib. Lakin o dövrdə yalnız nümayəndəliyin filiala çevrilməsi yolu ilə bank əməliyyatlarının keçirilməsinə hazırlıqdan danışılırdı.
Bu gün respublikada iki bankın nümayəndəliyi fəaliyyət göstərir ї Latviyanın Parex Bank-ı və Almaniyanın Commerz Bank-nın nümayəndəlikləri. Alman bankına icazə 2007-ci ilin noyabrında verilib.
Xarici banklar tərəfindən Azərbaycanın maliyyə bazarında daxil olmaq üçün maraq böyükdür. Fransanın Societe General, Rusiyanın VneshtorgBank-ı [о artıq AF Bank-ın nəzarət səhm paketin alınmasına icazə üçün AMB-ə müraciət edib] yerli banklarda iştirak payının alınmasında maraqlı olduqlarını bildiriblər, Gürcüstanın TBC Bank-ı isə, SOA Credit (indi TBC Credi) bank olmayan kredit təşkilatının səhmlərinin 75 faizinin alınması üzrə saziş baьlayıb.
Hazırda Azərbaycanda 46 bank fəaliyyət göstərir. Onlardan 21-də xarici kapital iştirak edir.
Müəlliflə əlaqə saxlamaq üçün elektron ünvan: [email protected]