...

Azərbaycanın sığorta şirkəti beynəlxalq reytinqini təzələyir

Biznes və iqtisadiyyat xəbərləri Materials 20 Oktyabr 2008 18:36 (UTC +04:00)

Trend-i buradan izləyin

Azərbaycan, Bakı, 20 oktyabr/ Trend , müxbir Ü.İsmayılova/ Standard Insurance  sığorta şirkətinin topladığı sığorta haqlarının həcmi, ötən ilin müvafiq dövrü ilə müqayisədə, 13,9 faiz artaraq 12,5 mln. manat təşkil edib, - bazar ertəsi şirkətdən bildiriblər.

Bu artım şirkətin ümumi portfelini formalaşdıran bütün sığorta növləri üzrə müşahidə olunub. Doqquz ay ərzində sığorta ödənişlərinin həcmi 2,2 mln. manat təşkil edib.

"Standard Insurance" Azərbaycanın aparıcı sığorta şirkətlərindən biridir. Şirkətin 2009 - cu il üzrə planlarına hazırda 8 mln. manat  təşkil edən Nizamnamə kapitalının iki dəfə artırılması daxildir.

Ötən il "Moody's Investors Service" aqentliyi tərəfindən şirkətə verilən müsbət proqnozlu "B1" maliyyə sabitliyi reytinqi indiyədək ölkənin maliyyə bazarında ən yüksək, bu bazarın sığorta sektorunda isə, alınmış yeganə beynəlxalq reytinq olaraq qalır.

"Standard Insurance" sığorta şirkətinin beynəlxalq reytinqinə 2009-cu ildə yenidən baxılması üçün danışıqlar gedir.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti