Azərbaycan, Bakı, 21 oktyabr/ Trend , müxbir Ü.İsmayılova/ Yanvar-sentyabrda Azərbaycanda 387 şirkətin fəaliyyəti dayandırılıb, - Dövlət Statistika Komitəsinin məlumatında bildirilir.
Fəaliyyəti dayandırılan şirkətlərin 14,5 faizi topdan və pərakəndə satış, avtomobil və məişət mallarının satışı, şəxsi istifadə vasitələrinin təmiri sahəsində çalışıb; 12,9 faizi nəqliyyat müəssisələri, anbar təsərrüfatı və rabitə müəssisələri; 12,7 faizi - elektroenergetika müəssisələri, qaz və suyun istehsalı və paylaşdırılması üzrə müəssisələr; 11,4 faizi daşınmaz əmlakla əməliyyat, icarə və istehlakçılara xidmətlərin göstərilməsi üzrə müəssisələr; 10,9 faizi - kənd təssərrüfatı, kommunal, sosial və digər xidmətlər sahəsində çalışan müəssisələrin payına düşüb.
Bu döv ərzində 5,3 min müəssisə yaradılıb. Onların 22,1 faizi kommunal və sosial xidmətlər; 21,7 faizi topdan və pərakəndə satış, avtomobil və məişət mallarının satışı, şəxsi istifadə vasitələrinin təmiri; 20,5 faizi tikinti; 14,4 faizi daşınmaz əmlakla əməliyyat, icarə və istehlakçılara xidmətlərin göstərilməsi; 6,4 faiz kənd təsərrüfatı sahəsində çalışan müəssisələrin; 6,1 faiz emal sənayesi sahəsində çalışan şirkətlərin payına düşüb.
Yüz faz xarici kapitalla yaradılmış şirkətlərin 28,8 faizi türk, 12,5 faizi Britaniya, 7,6 faizi Rusiya, 6,6 faizi - Amerika, 6,3 faizi - İran, 2,9 faizi alman şirkətlərinin payına düşüb.
Dövlət Statistika Komitəsinin məlumatlarına əsasən, ümumilikdə Azərbaycanda 84,7 min müəssisə fəaliyyət göstərir. Onların 11,4 mini dövlət müəssisələri, 2,7 mini bələdiyyələrin mülkiyyəti, 65,4 mini özəl müəssisələr, 3,7 mini yüz faiz xarici kapitala məxsus şirkətlər, 1,3 mini digər şirkətlərdir.
Müəlliflə əlaqə saxlamaq üçün elektron ünvan: [email protected]
