Azərbaycan, Bakı, 23 oktyabr/ Trend , müxbir İ.Xəlilova/ "ABB - Moskva" MMC konkret təkliflər daxil olduğu halda, Rusiya banklarının udulması məsələsini nəzərdən keçirməyə hazırdır, - MC - nin İdarə Heyətinin sədri Fuad Abdullayev cümə axşamı Bakıda bildirib. "Artıq Rusiya bazarında belə proses başlayıb və dünya maliyyə böhranı şəraitində vəziyyət günbəgün dəyişir, - Abdullayev bildirib. Bizə belə təklif daxil olmasa da, təklif gəldiyi halda, onu nəzərdən keçirə biləyəcimizi istisna etmirik".
Rusiya banklarından fərqli olaraq, böhranlı vəziyyət ABB - Moskvaya toxunmayıb.
"Bankın əsas strategiyası Azərbaycan və Rusiya arasında ticari - iqtisadi əlaqələrin inkişafıdır, - Abdullayev bildirib. Bu gün aktivlərin böyük hissəsi kredit portfelinin payına düşür və bu portfelin 60 faizi ticarət sahəsində diversifikasiya edilib".
Hazırda bankın qiymətli kağızlardakı portfeli sıfıra endirilib, kredit portfeli isə, balanslaşdırılıb və Rusiyanın bütün maliyyə sistemi üçün vasitəçi olan ABB - Moskva Vneştorqbank, Qazprombank, Sberbank və digər iri banklarla işləyir.
"2010 - cu ildə aktivlərin, kapitalın, kredit portfelinin ölçüsünə görə Rusiyanın 100 ən iri bankı sırasına daxil olmağı planlaşdırırıq", - Abdullayev bildirib. Bu gün bankın aktivləri 10 mlrd. rubldur, kapitalı 1 mlrd. rubl, kredit portfeli 6 mlrd. rubl təşkil edir.
Ötən il bankın aktivlərinin artımı 80 faiz, kredit portfelinin artımı 72 faiz təşkil edib. Bank 2008 - ci ili maliyyə göstəricilərinin 50 - 60 faizlik artımı ilə başa çatdırmağı planlaşdırır. Gələn il bu göstəricinin 20 faiz səviyyəsində olacağı gözlənilir.
"ABB - Moskva" 2002 - ci ildən fəaliyyət göstərir. Bu gün Bankın Moskva, Moskva əyaləti, Yekaterinburq, Sankt - Peterburqda filial şəbəkəsi var.
Müəlliflə əlaqə saxlamaq üçün elektron ünvan: [email protected]
