Azərbaycan, Bakı, 30 oktyabr / Trend , müxbir Ü.İsmayılova/ Azərbaycanın iri sığorta şirkəti - "Atesgah" gələn il üçün antiböhran iş planı hazırlayır. Bu barədə cümə axşamı Şirkətin İdarə Heyətinin sədri Azər Əliyev bildirib.
"Antiböhran plan xərclərin maksimum azaldılması və yeni əməkdaş yığımını dayandırmağı nəzərdə tutur", - deyə Əliyev bildirib.
İdarə Heyəti sədrinin sözlərinə görə, hazırda şirkətdə,digərlərində olduğu kimi, artım və inkişaf tempinin azalması hiss olunur ki, bu da yerli banklar tərəfindən kredit verilməsinin azaldılması ilə bağlıdır.
Azərbaycanda avqustun ortalarından istehlakçı kreditləşdirmələrinin tempi azalıb, bəzi banklar bu istiqamətdə əməliyyatları dayandırıblar. Banklar tərəfindən kreditləşdirmə tempinin azaldılması dünya maliyyə bazarlarındakı böhranla izah olunur. Belə vəziyyət bankları daha diqqətli olmağa və müştəri bazası formalaşdırılanda daha sərt seçim tətbiq etməyə vadar edir ki, bu da korporativ idarəetmə sisteminin bir hissəsidir.
Hazırda Azərbaycan banklarının bir hissəsi bir sıra növlər üzrə kredit verilməsini bərpa edib.
Əliyev bildirib ki, istehlakçı kreditləşməsi dayandırıldığından (Xüsusilə də avtobil kreditləşməsi üzrə), şirkətlərin artım tempi əhəmiyyətli dərəcədə aşağı düşüb; artımın təqribən 70 faizini məhz avtosığorta təşkil edir.
Azərbaycan Maliyyə Nazirliyinin məlumatına görə, yanvar - sentyabrda sığorta şirkətlərinin KASKO üzrə haqları 48,3 mln. manat, sığorta ödəmələri isə 14,7 mln. manat təşkil edib. OSAQO üzrə sığorta haqları 2,9 mln. manat, sığorta ödəmələri 619 min manat təşkil edib.
"Gələn il sığorta şirkətləri üçün, biznesin artım tempinin azalması baxımından, böhran ilə müşahidə olunacaq. Biz bunu minimal itkilərlə yola vermək üçün antiböhran planı hazırlayırıq", - deyə Əliyev bildirib.
A"Atesgah" Sığorta Şirkətinin səhmdarları: "I.S.R. Holding Ltd" (49 faiz), SOCAR (30 faiz) və RAN-Eksim şirkətləridir (21 faiz). Yanvıar-sentyabrın yekunu üzrə şirkət 13,97 mln. manat məbləğində sığorta haqqı toplayıb. Şirkətin sığorta ödəmələri 3,17 mln. manata bərabər olub.
Məqalə müəllifi ilə əlaqə ünvanı: [email protected]