Azərbaycan, Bakı, 05 noyabr/ Trend , müxbir İ.Xəlilova/ Azərbaycan hökuməti kənd təsərrüfatı məhsulları istehsalçıları üçün vergi güzəştlərini beş il müddətinə uzatmağı planlaşdırır, - ölkənin Vergilər Nazirliyindən çərşənbə günü bildiriblər.
2008 - ci ildə kənd təsərrüfatı məhsulları istehsalçılarının vergi ödənişlərinə qoyulmuş moratoriumun müddəti başa çatır və onlar yenidən beş il müddətinə bütün vergilərdən (torpaq vergisi istisna olmaqla) azad ediliblər.
Dünya ərzaq təhlükəsizliyi problemi şəraitində ölkə hökuməti kənd təsərrüfatı üçün vergi güzəştlərini saxlamaq niyyətindədir. Gələn ildən aqrar və emaledici sənaye üçün vergi dərəcələri üzrə yeniliklərin olacağı da gözlənilir, - idarədən bildiriblər.
"Bu, qarşıdakı illərdə ölkənin aqrar sektorunda, orta hesabla, 10-15 faiz artımı təmin etməyə imkan verəcək", - nazirlikdən bildiriblər.
Hazırda ölkədə istehsal olunan kənd təsərrüfatı məhsullarının 99 faizi özəl sektorun payına düşür. Azərbaycanda torpaq islahatı faktiki olaraq başa çatdırılıb və 1390 ha torpaq sahəsi əvəzsiz olaraq kəndlilərə verilib.
Hökumət hesab edir ki, ölkənin aqrar sektorunun hazırki ekstensiv inkişafı şəraitində, yaxın 10 ildə vergi güzəştlərinin ləğvi Azərbaycan üçün aktual deyil.
Belə inkişaf templəri şəraitində, dövlət büdcəsi fermerlərin vergi ödəməməsindən xeyli vəsait itirir.
Azərbaycanda bazara ciddi təkliflərlə çıxa biləcək iri fermer təsərrüfatları yaradılanadək, dövlət büdcəsinə böyük həcmdə daxilolmalardan danışmağa dəyməz, - Maliyyə Nazirliyindən bildiriblər.
2008 - ci ilin doqquz ayı ərzində aqrar sektorda artım 8,3 faiz təşkil edib. Hökumətin proqnozlarına görə, cari ildə aqrar sektorda artımın 8 faiz, 2009-cu ildə - 9 faiz, 2010-da - 8,5 faiz, 2011 və 2012-də - 8 faiz səviyyəsində olacağı gözlənilir.
Müəlliflə əlaqə saxlamaq üçün elektron ünvan: [email protected]
