Azərbaycan, Bakı, 06 noyabr/ Trend , müxbir N.İsmayılova/ Azərbaycanın bankları sentyabrda iqtisadiyyatın kreditləşməsini 2,3 faiz, ötən ilin analoji dövrü ilə müqayisədə, 75,1 faiz artırıblar, - Azərbaycan Milli Bankından (AMB) cümə axşamı bildiriblər. Avqustda bank kreditləşməsinin artımı 1,5 faiz səviyyəsində olub.
AMB-nin məlumatına görə, banklar 2007-ci il oktyabrın 1-nə olan 3771,3 mln. manata (o cümlədən, 2101,7 mln. manat milli valyutada və 1669,5 mln. manat ADV-də) qarşı 2008 - ci oktyabr 1 - nə 6604,7 mln. manat (o cümlədən, 3648,1 mln. manat milli valyutada və 2956,6 mln. manat ADV-də). Ümumi portfeldən 139,3 mln. manat kredit və borcun vaxtı ötüb. 2007-ci il oktyabrın 1-nə bu rəqəm 96,3 mln. manat təşkil edib. Vaxtı ötmüş kreditlərin statistikası Aqrarkredit qeyri - bank kredit təşkilatının analoji kreditlərini nəzərə almır.
Qısamüddətli kreditlər 2007-ci il oktyabrın 1-nə olan 1476,4 mln. manata (67,5 mln. manat vaxtı ötmüş borclar da daxil olmaqla) qarşı 2039,1 mln. manat (92,7 mln. manat vaxtı ötmüş borc) təşkil edib. Bu dövr ərzində qısamüddətli kreditləşmənin 30,8 faizi, vaxtı ötmüş kreditlərin 45,7 faizi ADV-nin payına düşüb. Uzunmüddətli kreditləşmə 4565,6 mln. manat (46,5 mln. manat vaxtı ötmüş borclar da daxil olmaqla) təşkil edib. Ötən il oktyabrın 1-də bu rəqəm 2294,8 mln. manat (28,8 mln. manat) olub. Bu dövrdə uzunmüddətli kreditləşmənin 51 faizi, vaxtı ötmüş kreditlərin isə, 53,1 faizi ADV- nin payına düşüb.
2008 - ci il oktyabrın 1-nə iki dövlət bankı tərəfindən 2911,9 mln. manat (sentyabrda -3,9 faiz), özəl banklar tərəfindən 3533,1 mln. manat (1,1 faiz) kredit verilib.
Əcnəbi bankların 321 mln. manat (1,7 faiz) məbləğində kreditləri də daxil olmaqla, xarici kapitalın iştirak etdiyi bankların kredit portfeli oktyabrın əvvəlində 1962 mln. manat (1 faiz) təşkil edib.
Noyabrın 6-na olan cari mübadilə məzənnəsi -- 0,8077 AZN/USD.
Müəlliflə əlaqə saxlamaq üçün elektron ünvan: [email protected]
