Azərbaycan, Bakı, 07 noyabr/ Trend , müxbir N.İsmayılova/ 2008 - ci ilin sentyabrında Azərbaycanda mənfəətlə işləyən bankların sayı 36 - tdən 38 - dək artıb, ötən ilin sentyabrı ilə müqayisədə isə, dəyişməz qalıb, - Azərbaycan Milli Bankından cümə günü bildiriblər.
Bank sisteminin ümumi mənfəəti 2007-ci il oktyabrın 1-nə nisbətən 62,8 faiz artaraq, 179,62 mln. manat təşkil edib. Sentyabrda mənfəətli bankların sayı artıb, mənfəətin ümumi həcmi 9,2 faiz yüksəlib.
Zərərlə işləyən bankların sayı sentyabrda 2, ötən ilin əvvəli ilə müqayisədə, 3 bank az olub. Yeddi bankın zərərlərinin həcmi 12,33 mln. manat olub ki, 2008 -ci ilin əvvəli ilə müqayisədə, təxminən 2 dəfə çoxdur.
Bankların fəaliyyətinin maliyyə nəticələri (vergilər ödənildikdən sonra), mln. manatla:
| Dövrlər | Mənfəətlə işləyən bankların sayı | Bank sisteminin ümumi mənfəəti (mənfəətli banklar üzrə) | Zərərlə işləyən bankların sayı | Bank sisteminin ümumi zərərləri (zərərlə işləyən banklar üzrə | Bankların aldığı yekun mənfəət (+) və ya zərər (-) |
| 01-10-2006 | 30 | 63,56 | 13 | 15,98 | 47,58 |
| 01-10-2007 | 38 | 134 | 5 | 4,36 | 129,64 |
| 01-10-2008 | 38 | 179,62 | 7 | 12,33 | 167,29 |
Noyabrın 7-nə olan cari mübadilə məzənnəsi -- 0,8086 AZN/USD.
Müəlliflə əlaqə saxlamaq üçün elektron ünvan: [email protected]
