Azərbaycan, Bakı, 11 noyabr/ Trend , müxbir İ.Xəlilova/ "Azərbaycanın Hesablama Palatası ölkənin dövlət büdcəsinin və respublikanın makroiqtisadi göstəricilərinin proqnozlaşdırılması zamanı istifadə ediləcək milli sosial - iqtisadi göstəricilər sistemini yaratmağı təklif edib", - Hesablama Palatasının sədri Heydər Əsədov çərşənbə axşamı Milli Məclisin 2009 - cu ilin dövlət büdcəsi layihəsinin müzakirəsi üzrə plenar iclasında bildirib.
"ÜDM bütün iqtisadi göstəriciləri əks etdirmədiyindən, hazırki şəraitdə bu çox vacibdir, - Əsədov bildirib. - Bununla əlaqədar, sistemlə yanaşı, ölkə əhalisinin sosial vəziyyətini və ümumi iqtisadi inkişafı əks etdirən əlavə indikatorlar hazırlamaq lazımdır".
Onun sözlərinə görə, İqtisadi İnkişaf Nazirliyinin deflyatorun azaldılması üzrə proqnozları əsaslandırmasına zərurət yaranıb. Hesablama Palatası xüsusi mexanizmlər olmadan büdcə vəsaitlərinin elmin inkişafına, əhalinin ərzaq məhsulları ilə təmin edilməsinə xərclənməsini həyata keçirməyi məqsədəuyğun hesab edir.
Palatanın təkliflərinə xərclərin bir hissəsinin sahibkarlığın dəstəklənməsinə, kənd yerlərinin ərzaq təminatına ayrılması da daxil olub. Lakin bunun üçün hökumətin qərar qəbul etməsi tələb olunur, - Əsədov vurğulayıb.
Onun rəyinə görə, cari xərclərin xüsusi çəkisinin yüksək olmasına görə ölkənin büdcəsi hələ də məxaricyönümlüdür ki, bu da iqtisadiyyatda inflyasiyaya təzyiqin artması amillərindən biridir.
"Bununla əlaqədar, cari xərclərin xüsusi çəkisinin azaldılması çox vacibdir", - Əsədov bildirib.
Hesablama Palatasının təklifləri sərmayə proqramlarının hazırlanması və vahid yanaşmanın tətbiqi üçün yeni qaydaların tətbiqini də nəzərdə tutur.
Bununla yanaşı, Palata hesab edir ki, 2009 - cu ilin dövlət büdcəsi proqnozları mövcud qanunvericiliyin tələblərinə uyğun hazırlanıb və müasir tələblərə tam cavab verir.
"Ölkə parlamentinin büdcə paketini qəbul etməsi Azərbaycanın iqtisadi inkişafı sahəsində yeni addım olacaq", - Əsədov yekunlaşdırıb.
2009 - cu ildə Azərbaycanda ÜDM istehsalının 2008-ci ildə proqnozlaşdırılan 21,3 faiz artımla 41,11 mlrd. manata qarşı, 18,9 faiz artımla 43,64 mlrd. manat səviyyəsində olacağı gözlənilir, - makroiqtisadi proqnoz layihəsində bildirilir. 2009-cu ildə Azərbaycanda istehlak qiymətlərinə heç bir xarici amilin təsiri olmazsa, ölkədə inflyasiyanın səviyyəsinin 12-14 faiz civarında olacağı gözlənilir, - Milli Məclisə təqdim edilmiş 2009 - 2012 - ci illərin dövlət büdcəsi layihəsində bildirilir. Ortamüddətli perspektivdə bu göstəricini birrəqəmli səviyyəyədək endirmək gözlənilir.
Müəlliflə əlaqə saxlamaq üçün elektron ünvan: [email protected]
