Azərbaycan, Bakı, 11 noyabr/ Trend , müxbir A.Bədəlova/ "Bu gün Azərbaycanın strateji valyuta ehtiyatları 18,2 mlrd. dollar təşkil edir ki, bu da ölkənin ümumi xarici borcundan iki dəfə çoxdur", - Azərbaycan Milli Bankı İdarə Heyətinin sədri Elman Rüstəmov çərşənbə axşamı Milli Məclisin 2009 - cu ilin dövlət büdcəsi layihəsinin müzakirəsi üzrə plenar iclasında bildirib.
Onun sözlərinə görə, "bu gün Azərbaycanın xaricdə yerləşdirilmiş böyük likvidli aktivləri var və bu, büdcə problemləri və sikkə məsələlərinin həllində manevr etmək imkanı verir".
Ehtiyatların hazırki səviyyəsi 28 ay ərzində ölkənin idxala olan tələbatının fasiləsiz örtülməsini təmin edir. Dünya təcrübəsində bu göstərici üçaylıq ölçüdə formalaşdırılır ki, bu da Azərbaycanın bu səviyyəni təxminən 10 dəfə ötməsini göstərir.
"Xaricdə yerləşdirilmiş vəsaitlər və Azərbaycandakı xarici sərmayələr arasında fərq 14 mlrd. dollar təşkil edir ki, bu da dünya təcrübəsində az təsadüf edilən haldır". - Rüstəmov vurğulayıb.
"Ölkənin strateji valyuta ehtiyatlarının 20 mlrd. dollara yaxınlaşması artıq iqtisadi amil olmayıb, Azərbaycanın beynəlxalq imicinin güclənməsini xarakterizə edir, - AMB rəhbəri bildirib. - Belə ki, bu gün dünyanın aparıcı ölkələri maliyyə böhranı ilə əlaqədar sərbəst maliyyə ehtiyatlaının çatışmazlığı ilə qarşılaşıblar".
Onun sözlərinə görə, ehtiyatların bu istiqamətdə artması ilə ölkənin potensialı yüksələcək.
Müəlliflə əlaqə saxlamaq üçün elektron ünvan: с[email protected]
