Azərbaycan, Bakı, 11 noyabr/ Trend , müxbir A.Bədəlova/ "Beynəlxalq Valyuta Fondunun (BVF) məlumatlarına əsasən, Azərbaycan dünya maliyyə böhranının təzyiqi qarşısında ən davamlı dünya ölkələrinin qrupuna daxil edilib və buna görə də hazırda ölkənin suveren reytinqinin azaldılması məsələsi nəzərdən keçirilmir", - AMB İdarə Heyətinin sədri Elman Rüstəmov çərşənbə axşamı Milli Məclisin 2009-cu ilin dövlət büdcəsinin müzakirəsi üzrə plenar iclasında bildirib.
Fitch beynəlxalq Reytinq Agentliyi bazar ertəsi 20 inkişafda olan ölkənin sərmayə reytinqini azaldıb.
"Bu gün böhranın Azərbaycan iqtisadiyyatına daxil olması üçün heç bir fundamental və makroiqtisadi amil yoxdur", - Rüstəmov bildirib.
AMB-nin İdarə Heyətinin sədri ölkənin ödəmə balansının məlumatlarını buna sübut kimi gətirib. 2008 - ci ilin yekunlarına görə, ödəmə balansı xeyli profisitlə gözlənildiyi vaxtda, əksər dövlətlər bu gün balansın defisiti ilə bağlı problemlər yaşayırlar. "Gələn il dünya bazarlarında neftin qiyməti azalsa da, balansın profisitinin 10 mlrd. dollardan yüksək olacağı gözlənilir", - Rüstəmov bildirib.
"90-cı illərin ortalarından struktur dəyişiklikləri üzrə tədbirlərin həyata keçirilməsi nəticəsində, iqtisadi və maliyyə potensialının yaradılması Azərbaycanı riskin hərtərəfli xarakterindən qorumağa imkan verir", - AMB-nin İdarə Heyətinin sədri vurğulayıb.
Müəlliflə əlaqə saxlamaq üçün elektron ünvan: с[email protected]