Azərbaycan, Bakı, 11 noyabr/ Trend , müxbir İ.Xəlilova/ "2009 - cu ildə Azərbaycan hökumətinin məzənnə siyasəti dezinflyasiya məqsədlərindən maliyyə sabitliyinin təmin edilməsinə yönəldiləcək və başlıca vəzifə milli iqtisadiyyatın rəqabətqabiliyyətliliyinin müdafiəsi olacaq", - Milli Bankın İdarə Heyətinin sədri Elman Rüstəmov çərşənbə axşamı bildirib.
2009 - cu ilin proqnozlarında milli valyutanın dollara nisbətdə məzənnəsi, 2008 - ci ilin 0,81 manat səviyyəsində proqnozuna qarşı, 0,8 manat müəyyən edilib.
"Manatın məzənnəsinin tənzimlənməsi iqtisadi kataklizmlər şəraitində ölkənin qeyri -neft sektoru üçün yaranan əlavə problemlərin qarşısını almaq məqsədilə həyata keçiriləcək", - Rüstəmov bildirib.
Onun sözlərinə görə, 2009-cu ildə dezinflyasiya effektinin yüksək səviyyədə olacağı gözlənilir. Belə ki, manatın məzənnəsi dollara nisbətdə 4,4 faiz, avroya nisbətdə 15 faizdən çox möhkəmlənib. Ümumilikdə ölkənin əsas xarici ticarət tərəfdaşlarının valyutalarına nisbətdə manatın nominal effektli məzənnəsi 12 faizdən çox möhkəmlənib.
Nəzərə alsaq ki, bu ölkələrdə inflyasiya, orta hesabla, 12 faiz təşkil edib, o zaman məzənnə siyasəti vasitəsilə Azərbaycana inflyasiya idxalını neytrallaşdırmaq mümkün olub, - Rüstəmov bildirib.
Müəlliflə əlaqə saxlamaq üçün elektron ünvan: [email protected]