Azərbaycan, Bakı, 14 noyabr / Trend müxbir S.Babayeva/ Azərbaycanın Səhiyyə nazirliyi 2009-cu ildə əsaslı təmirdən sonra uşaq kardio-cərrahiyyə mərkəzini istifadəyə verəcək. Bunu nazir Oqtay Şirəliyev 2009-cu il büdcəsinin müzakirəsinə dair parlamentin plenar iclasında deyib.
Şirəliyev qeyd edib ki, hazırda təmir işləri aparılır və lazımi avadanlıq alınacaq.
Onun sözlərinə görə ölkə başçısı İlham Əliyevin sərəncamı ilə Prezidentin ehtiyyat Fondundan avadanlığın alınması üçün 3 milyon manat vəsait ayrılıb.
Azərbaycanda ürək qüsuru üzrə 2157 uşaq var (1929 nəfər 13 yaşında, 228 nəfər isə 14-17 yaşlarında).
Son 2 il ərzində uşaqlar üzərində 393 kardio-cərrahiyyə əmaliyyatı aparılıb. Bu əməliyyatlardan 115-ni Heydər Əliyev Fondu maliyyələşdirib.
Məqalə müəllifi ilə əlaqə ünvanı: trend@trend.az
